Dramatiski a přiwšěm wuspěšny hrajny dźeń

wutora, 27. nowembera 2018
artikl hódnoćić
(0 )
Šestka Worklečanskeje Viktorije (před sakom) wjeseli so na druhim domjacym hrajnym dnju nad dalšim dypkom. Wobwodny ligist je wobě hrě w swójskej hali dobył a tak třeće městno w tabulce skrućił.  Foto: Jörg Stephan Šestka Worklečanskeje Viktorije (před sakom) wjeseli so na druhim domjacym hrajnym dnju nad dalšim dypkom. Wobwodny ligist je wobě hrě w swójskej hali dobył a tak třeće městno w tabulce skrućił. Foto: Jörg Stephan

Po dwěmaj njezbožownymaj poražkomaj w cuzymaj halomaj pola prěnjeho a druheho wobwodneje ligi chcychu wolejbulisća Viktorije Worklecy posledni­ hrajny dźeń prěnjeje połserije doma na kóždy pad dypkować, zo bychu­ třeće městno w tabulce skrućili a z wul­kim předskokom do adwentneje a hodowneje přestawki hić móhli.

Znowa pak běchu předznamjenja špatne. Swójbnych přičin dla pobrachowaštaj wobaj hłownaj nadběhowarjej. Po krótkej mustwowej rozrěči rozsudźichu so hosćićeljo na połne riziko, a to w zestawje z youngsterom Renéjom Schusterom. Tón bě mjenujcy naposledk solidne treningowe wukony pokazał. Kapitan Ludwig Eckert přewza poziciju wonkowneho nadběhowarja. W tej zestawje mustwo hišće ženje hromadźe hrało njeje, štož bě wězo zwažliwe předewzaće. Kak pak Worklečenjo situaciju zmištrowachu, bě sensacionelne.

Viktoria Worklecy 92 – MSV Budyšin II 3:1 (25:15, 23:25, 25:20, 25:18)

wozjewjene w: Sport
Prošu přizjewće so, chceće-li komentar podać

Serbska debata

nowostki LND