Běh z wutrobu słuži lětsa šulam

pjatk, 20. septembera 2019
artikl hódnoćić
(0 )

Wjace hač dwaj tysac gymnaziastow je dźensa koło po kole na tartanowej čarje na Budyskej Młynkec łuce běžało. Šulerjo běchu so na akciji „Běh z wutrobu“ wobdźělili.

Budyšin (SN/MiR). Mjeztym wuhotuje Budyska Ludowa banka 15. króć běh šulerjow-gymnaziastow pod hesłom „Běh z wutrobu“. Lětsa wobdźělichu so na zarjadowanju, kotrež dźensa na Młynkec łuce wotměchu, šulerjo 5. do 13. lětnika. Nimo Biskopičanskeho a Wjelećanskeho gymnazija běchu z Powołanskošulskim centrumom za hospodarstwo a techniku, Schillerowym, Melanchthonowym a Serbskim gymnazijom (SGB) tež štyri Budyske kubłanišća zastupjene. Wučer SGB Měrko Korjeńk je za serbske kubłanišćo přizjewił něhdźe 200 šulerjow, kotřiž su koło po kole po tartanowej čarje běželi. „Mamy akciju za dobru. Wšako sylnja wona socialny angažement a ma zdobom strowotniski aspekt“, rjekny nawoda­ Serbskeho gymnazija René Wjacławk.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND