Běh z wutrobu nětko tež na wyšej šuli

póndźela, 25. nowembera 2019
artikl hódnoćić
(0 )
Při najrjeńšim wjedrje su so šulerki a šulerjo Serbskeje wyšeje šule Ralbicy zašłu wutoru  socialnje angažowali. Woni přewjedźechu swój prěni tak mjenowany „běh z wutrobu“. Foto: Beno Mikel Při najrjeńšim wjedrje su so šulerki a šulerjo Serbskeje wyšeje šule Ralbicy zašłu wutoru socialnje angažowali. Woni přewjedźechu swój prěni tak mjenowany „běh z wutrobu“. Foto: Beno Mikel

Prěni raz w stawiznach Serbskeje wyšeje­ šule Ralbicy su šulerjo a wučerjo swójski sponsorowy běh přewjedli. Dojed­nali běchu­ so na tajki we wobłuku prěnjeje šulskeje konferency spočatk šulskeho lěta 2019/2020. Tak poda so dźeń do pokutneho dnja 104 běharkow a běharjow na 400 metrow dołhu kołočaru w Ral­bičanskim Stadionje přećelstwa. Holcy a hólcy pjatych do dźesatych lětnikow, kaž tež ně­kotři wučerjo mějachu hodźinu chwile, telko kołow naběhać kaž móžno. Wšitcy pak w samsnym času njeběhachu, jenož něhdźe połojca bě w samsnym času na běž­ni. Po sportowej akciji rjekny šulska wjednica Milenka Kobe­rowa, „zo su so wšitcy jara angažowali a z cyłej wutrobu při wěcy byli.“

Do sponsoroweho běha bě sej kóždy wobdźělnik jednoho, dweju abo wja­co­rych darićelow pytał. Podpěraćeljo běchu mjenujcy sportowčam a sportowcam w předpolu běhanskeje akcije za kóžde naběhane koło wěstu sumu pjenjez slubili.

wozjewjene w: Sport
Prošu přizjewće so, chceće-li komentar podać

Serbska debata

nowostki LND