Chróšćenjo titu zakitowali

póndźela, 06. januara 2020
artikl hódnoćić
(0 )
Wjesne koparske mustwo z Chrósćic je swój titul na CDU-turněrje mjez hodami a Nowym lětom zakitowało. W swojich rjadach měješe z Křesćanom Zahrodnikom (klečo naprawo) tež najlěpšeho třělca turněra.  Foto: Kilian Hrjehor Wjesne koparske mustwo z Chrósćic je swój titul na CDU-turněrje mjez hodami a Nowym lětom zakitowało. W swojich rjadach měješe z Křesćanom Zahrodnikom (klečo naprawo) tež najlěpšeho třělca turněra. Foto: Kilian Hrjehor

Na předposlednim dnju lěta 2019 wotmě­ so we Worklecach zaso tradicionalny halowy koparski turněr wo pokal wjesneho a gmejnskeho zwjazka CDU. Tónraz wobdźěli so dźesać mustwow­, kotrež hrajachu w dwěmaj staflomaj ze zestawu 1:3. Najprjedy wubědźowachu so w staflomaj kóždy přećiwo kóždemu stajnje dźewjeć mjeńšin, po tym hrajachu stajnje prěni a druhi stafle přez křiž wo zaćah do finala.

W stafli B pak nasta njewšědna konste­lacija. Druhe młodźinske mustwo z Worklec a cyłk z Chrósćic měještej samsnu ličbu dypkow kaž tež samsny wrotowy poměr. Třělenje ze sydom metrow dobychu Worklečenjo, a tak rěkaše prěnje połfinale druhe młodźinske mustwo z Worklec přećiwo prěnjemu młodźinskemu mustwu z Worklec. Rezerwa hosćićelow duel z 2:1 doby. Najprjedy drje bě prěnje mustwo nawjedowało, dokelž pak dósta jeho hrajer njesportowskeho zadźerženja přećiwo sudnikej čerwjenu kartu, smědźeše mustwo jenož hišće z třomi koparjemi dale hrać. W tej fazy poradźichu so Worklecam II dwoje wrota.

wozjewjene w: Sport
Prošu přizjewće so, chceće-li komentar podać

Serbska debata

nowostki LND