Młoda serbska lěkarka praksu w Budyskej poliklinice přewzała

srjeda, 25. měrca 2020
artikl hódnoćić
(0 )
Žónska lěkarka Franciska Hejdušcyna (naprawo) móže so na swědomitej lěkarskej pomocnicy Kerstin Geisler (nalěwo) a Utu Körner spušćeć.  Foto: SN/Hanka Šěnec Žónska lěkarka Franciska Hejdušcyna (naprawo) móže so na swědomitej lěkarskej pomocnicy Kerstin Geisler (nalěwo) a Utu Körner spušćeć. Foto: SN/Hanka Šěnec

Často dźensniši čas słyšimy, zo je dale a mjenje lěkarjow. Na internetnej stronje Zjednoćenstwa kasowych lěkarjow nańdu zajimcy kopicu wupisanjow. Staj­nje so pacienća wjesela, hdyž su městna jich lěkarjow znowa wobsadźene.

Budyšin (SN/BŠe). Wobhladaš-li sej starobu mnohich lěkarjow, wosebje tež fachowych, spóznaješ, zo su wjacori hižo starši. Njezadźiwa tuž, zo so ludźo starosća, kak dołho drje praksa dale wob­steji. W padźe Budyskeje žónskeje lěkarki ­Galiny Vogt w tak mjenowanej poliklinice móža pacienća wodychnyć. Franciska Hejdušcyna z Róžanta je praksu spočatk lěta přewzała. Po dźěłowych stacijach w Drježdźanskej chorowni Nowe město, w Kamjenskej chorowni maltezow a w Drježdźanskej praksy žónskeho lěkarja je so 41lětna nětko rozsudźiła so zesamostatnić. Wosebje nazhonjenja w praksy su ju k tomu­ pohnuli. „Hladajo na samodruhe žony je chorownja často poslednja sta­cija, hdyž dźěćko porodźeja. Nětko móžu je wot spočatka do kónca přewodźeć“, mać třoch dźěći wuswětla.

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND