Kamjenska Boršć lětsa njebudźe

srjeda, 01. julija 2020
artikl hódnoćić
(0 )
Takle by tež lětsa w Kamjencu wupadać móhło, hdyž so šulerjo na wućah z města na Kamjensku Boršć zetkaja. Korona pak tomu zadźěwa.  Foto: archiw/Uwe Menschner Takle by tež lětsa w Kamjencu wupadać móhło, hdyž so šulerjo na wućah z města na Kamjensku Boršć zetkaja. Korona pak tomu zadźěwa. Foto: archiw/Uwe Menschner

Lětsa njezměja lubowarjo hermanka składnosć, so na wulkim karuselu nad Kamjencom znošować. A wućah swjedźensce zdrasćenych šulerjow z města tež njebudźe. Korony dla Kamjensku Boršć njewotměja.

Kamjenc (UM/SN). Tradicionalny Kamjenski šulski a domizniski swjedźeń dyrbi koronapandemije dla wupadnyć. To je runje lětsa wosebje tragisce. Wšako tajki zjaw mjeztym 67 lět wjac njemějachu. Nětko dyrbja Kamjenčenjo kaž tež wšitcy druzy swoju Boršć prěni króć zaso raz parować. „Rozsud swjedźenskeho komiteja bě wěcowny po diskusiji, kotruž běchu jeje čłonojo z rudźacymi myslemi wjedli“, praji wyši měšćanosta Roland Dantz (njestronjan), kiž je zdobom předsyda komiteja. Škitnych postajenjow korony dla hač do 31. awgusta w Sakskej žane wulkozarjadowanja z wjace hač tysac wobdźělnikami dowolene njejsu. Boršć chcychu wot 21. do 27. awgusta wotměć. W zańdźenych lětach běchu na tradicionalny swjedźeń dźesaćitysacy wopytowarjow – loni wjace hač 50 000 – přišli.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND