Kulowscy wyši šulerjo sportowe trikoty dóstali

wutora, 07. julija 2020
artikl hódnoćić
(0 )
Wolejbulisća Wyšeje šule „Korla Awgust Kocor“ Kulow smědźa so nad nowymi trikotami wjeselić. Sportowe košle, na kotrychž stejitej mjeno šule a logo šulskeho socialneho dźěłaćerja, smědźa tež koparjo šule wužiwać.  Foto: Philipp Schwabe Wolejbulisća Wyšeje šule „Korla Awgust Kocor“ Kulow smědźa so nad nowymi trikotami wjeselić. Sportowe košle, na kotrychž stejitej mjeno šule a logo šulskeho socialneho dźěłaćerja, smědźa tež koparjo šule wužiwać. Foto: Philipp Schwabe

Wolejbulowe mustwo Wyšeje šule „Korla Awgust Kocor“ Kulow smě so skónčnje nad nowymi trikotami wjeselić. Naposledk móžachu so tamniši wyši šulerjo Tobias Crüger (kapitan), Alexander Heinz, Henning Schreiber, Louis Kreuz a Toni Stache na wolejbulowym turněrje přesadźić a hrajnišćo jako dobyćer wo­pušćić. Po tym zo běchu wolejbulisća 7. lětnika wuspěch euforisce wozjewili, přilubi jim šulski socialny dźěłaćer Philipp Schwabe nowu sadźbu sportowych košlow. Šulerjo wězo njepopušćichu, přilubjene bě přilubjene.

Tak su sportowy wučer Sven Hol­weger, něhdyši FSJnik Lucas Franz a šulski socialny dźěłaćer Philipp Schwabe wšitke kóšty přewzali. „Myslu rady na čas swojeho dobrowólneho socialneho lěta w Kulowskej wyšej šuli. Rady so dale za šu­lerki a šulerjow angažuju“, podšmórny mjeztym w Drježdźanach bydlacy student wučerstwa Franz.

wozjewjene w: Sport

Galerija

dalši wobraz (1) Sportowy wučer Sven Holweger měješe jako sponsor trikotow a přiwisnik Dynama Drježdźany wliw na jich barbne wuhotowanje.
Prošu přizjewće so, chceće-li komentar podać

Serbska debata

nowostki LND