„To je mi wulka česć“

póndźela, 23. awgusta 2021
artikl hódnoćić
(0 )
Horst Krawcyk (naprawo) je swoje zastojnstwo jako šeftrenar „Serbskich balokoparjow“ do młódšich rukow dał. Něhdyši hrajer BSG Energije Choćebuz bě prěni nazwučowar delnjoserbskeje wubranki.  Foto: Jörg Stephan Horst Krawcyk (naprawo) je swoje zastojnstwo jako šeftrenar „Serbskich balokoparjow“ do młódšich rukow dał. Něhdyši hrajer BSG Energije Choćebuz bě prěni nazwučowar delnjoserbskeje wubranki. Foto: Jörg Stephan

Balak wotnětka hłowny trenar Serbskich balokoparjow

Ballack? Ballack! Štó z aktiwnych koparjow a lubowarjow kopańcy, předewšěm z tych staršich, tele mjeno njeznaje? 44lětny Michael Ballack, rodźeny w Zhorjelcu, je dźensa znaty kopar. Wot 1994 do 2012 je wón jako profijowy kopar w mustwach Kamjenica, Kaisers­lautern, Leverkusen a Bayern Mnichow kaž tež w znatym Londonskim klubje Chelsea kopački šnórował a sej z tymle sportom swój wšědny chlěb zasłužił. Cyłe­ sto króć je w němskej koparskej wubran­ce hrał a někotre lěta bě samo jeje kapitan. Dwójce wobdźěli so Michael Ballack na swětowych koparskich mišterstwach a trójce na europskich. Do sta­tistiki toho wšeho tohorunja słuša, zo absolwowaše w horjeka mjenowanych lětach w regionalnej a wyšej lize a w prěnjej a druhej zwjazkowej lize Němskeje kaž tež w jendźelskej premierleague dohromady 604 hry, w kotrychž je 148 wrotow třělił. Wšo to je tež k tomu přinošowało, zo bu tónle sakski­ kopar w Němskej trójce za koparja lěta wuzwoleny.

wozjewjene w: Sport

Galerija

dalši wobraz (1) Sven Balak je wotnětka hłowny trenar delnjoserbskeje koparskeje wubranki. Foto: Horst Adam
Prošu přizjewće so, chceće-li komentar podać

Serbska debata

nowostki LND