Horstka serbskich lubowarjow běhanja sobu startowała

štwórtk, 05. meje 2022
artikl hódnoćić
(0 )
W Žitawskich horinach su so njedawno tež Budyscy wutrajnosportowcy wubědźowali. Marian Žur (nalěwo), Steffen Waldmann a Maik Petzold z mandźelskej Nadine (wotprawa) su so na přikład na čarje 17 kilometrow wobdźělili.  Foto: Marian Žur W Žitawskich horinach su so njedawno tež Budyscy wutrajnosportowcy wubědźowali. Marian Žur (nalěwo), Steffen Waldmann a Maik Petzold z mandźelskej Nadine (wotprawa) su so na přikład na čarje 17 kilometrow wobdźělili. Foto: Marian Žur

30. jubilejny Wostrowski nalětni běh realizowany

Njedźelu do jutrow wotmě so po dwulětnym přetorhnjenju koronapandemije dla nětko lětuši 30. jubilejny Wostrowski nalětni běh nad Nysu. Na tutym wubědźowaše so wuspěšnje 392 atletow běhanja z Hornjeje a srjedźneje Łužicy, z Drježdźan, Mišnja, Lipska, Berlina kaž tež z pomjezneho čěskeho Libereca a pólskeho Zgorzeleca. Wurjadny rekord z 550 atletami w cilu kaž w lěće 2019 to wězo njebě. Tehdy njeje hišće nichtó z koronapandemiju ličił a tež wjedro běše najrjeńše nalětnje. Wěm, zo su někotři pandemije dla doma wostali a nječujachu so hišće dosć strowi resp. mějachu wulke zastatki w treningu.

Jednotliwe distancy wurisanjow běchu 0,8 km, 2,0 km, 4,0 kaž tež 12 km. Na nich wubědźowachu so lubowarjo běhanja a na 4 km tež lubowarjo walkinga wot předšulskeho dźěsća hač k 87lět­nemu wuměnkarjej, kiž pak zranjenja dla do cila doběžeć njemóžeše. To je so jemu wot započatka wubědźowanja 1955 w běhanju (cyłkownje 1 060) hakle druhi króć stało. Mjez so wubědźowacymi běše tež zaso horstka serbskich sportowcow.

wozjewjene w: Sport
Prošu přizjewće so, chceće-li komentar podać

Serbska debata

nowostki LND