Chcedźa nowe bydlenja z hladanjom twarić

pjatk, 05. awgusta 2022
artikl hódnoćić
(0 )
Twarjenja w Green Parku su hižo wuprózdnjene. Jako přichodny krok započnu tu bydlenja z wobstajnym hladanjom twarić.  Foto: Uwe Menschner Twarjenja w Green Parku su hižo wuprózdnjene. Jako přichodny krok započnu tu bydlenja z wobstajnym hladanjom twarić. Foto: Uwe Menschner

Budyšin (UM/SN). Při tak mjenowanym Green Parku na Budyskej Flincowej blisko Serbskeho gymnazija zahaja bórze wobšěrne twarske dźěła. Kaž Andreas Spitzke z Lipšćanskeje serwisoweje towaršnosće Amalie wobkrući, ma tam 60 bydlenjow z wobstajnym hladanjom ­a dnjowe hladanišćo nastać. W tymle měsacu chcedźa fasadu ponowić kaž tež tepjenje, přewětrjenje a sanitarne připrawy zatwarić započeć. „Zaměr je, zo wobydlerjo wot apryla 2023 zaćahnu“, praji Andreas Spitzke. Byrnjež připrawu na zakładźe wobstejacych twarjenjow natwarja, ma bydlenski kompleks kaž „nowy natwarjeny“ wupadać. Twar dodźerži předpisy za dom z mało energiju. „Za zemsku ćopłotu smy dohromady 3 000 metrow dźěrow do zemje točili. Na dwěmaj domomaj natwarimy solarnu připrawu, tak zo budźemy wot miliny a ćopłoty njewotwisni, Spitzke připowědźa.

Serwisowa towaršnosć Amalie wjedźe hižo wjacore domy z wobstajnym hladanjom wokoło Lipska, mjez druhim w Lipsku, Eilenburgu, Halle a Leuna. Nětko chcedźa so sylnišo na kónčiny zwonka wulkich městow koncentrować.

wozjewjene w: Socialne
Prošu přizjewće so, chceće-li komentar podać

nawěšk

nowostki LND