Liški w Drježdźanach bjez šansy

štwórtk, 12. januara 2023
artikl hódnoćić
(0 )
Jeli hodźi so hrajer Łužiskich liškow z poražki přećiwo Lodowym lawam wuzběhnyć, potom Nikita Quapp (naprawo), kotryž tu přećiwo Philippej Kuhnekathej (nalěwo) hišće wyšej poražce zadźěwa. Foto: Thomas Heide Jeli hodźi so hrajer Łužiskich liškow z poražki přećiwo Lodowym lawam wuzběhnyć, potom Nikita Quapp (naprawo), kotryž tu přećiwo Philippej Kuhnekathej (nalěwo) hišće wyšej poražce zadźěwa. Foto: Thomas Heide

Lodowe lawy Drježdźany –

Łužiske lodohokejowe liški 4:0 (1:0, 0:0, 3:0)

Nětko su Łužiske liški tam, hdźež nochcychu wjac stać, w zestupnym boju. Hra započa so na woběmaj bokomaj měrnje. W druhej mjeńšinje přesadźi so prěni pospyt Drježdźanjanow, tola Nikita Quapp kedźbowaše. Potom pósłachu Juliana Wäsera dla stajenja nohi na chłostansku ławku. Tola defensiwa Liškow ani jeničku šansu na wrota njedopušći. Drje běchu Drježdźanscy aktiwniše mustwo, ale woni sej najprjedy žane šansy nadźěłać njemóžachu. W šestej mjeńšinje přińdźeštaj sej Breitkreuz a Knackstedt trochu pře blisko a podaštaj so za dwě mjeńšinje na chłostansku ławku. Hakle nětko bu napjećišo před wrotami. Najprjedy wotfalšowa Tom Knobloch třělwu Mateja Mrazeka strašnje před klětku hosći a potom zwrěšći Roope Mäkitalo na Janicku Schwendeneru. A jenož krótko na to nawjedowachu Drježdźany přez Johana Porsbergera (9.). Tomáš Andres ćehnješe do nadběhoweje třećiny, wokoło wrotow a suny tačel na třělca wrotow, kiž wysoko zatřěli. Ze zastatkom 0:1 dźěše do prěnjeje přestawki.

wozjewjene w: Sport
Prošu přizjewće so, chceće-li komentar podać

Serbska debata

nowostki LND