Termin za rallye postajeny

26. mjezynarodna ADMV-rallye we Łužicy pola Hamora ma hižo nětko kruty termin. Přewjedu ju znowa w nowem­brje, a to wot 9. do 11. nowembra.

Njewšědne mocy prašane

W sakskej klasy, stafla wuchod, dyrbja wolejbulisća prěnjeho mustwa Viktorije Worklecy jutře na kóždy pad dypkować, zo njebychu zestupili. Po móžnosći bychu sej Worklečenjo wšitke šěsć ličakow doma zdźeržeć dyrbjeli. To pak budźe hladajo na tabulku chětro ćežki nadawk, při kotrymž su njewšědne mocy prašane. Hosćo z Łužnicy steja na čole, hosćo z Micktena dźerža kontakt k prěnjej třećinje a hosćićeljo su předposledni. Strach před zestupom Worklečanska wolejbulowa rezerwa muži měć njetrjeba, dokelž hraje wona w najnišej klasy wo­krjesa. Přiwšěm by wona rady dypkowała, a to njedźelu na štwórtym hrajnym dnju we wokrjesnej klasy stafla sewjer we Wojerecach, hdźež změja tři partije.

11.02.  14:00  Viktoria Worklecy –

  ST Łužnica

11.02.  16:00  Viktoria Worklecy –

  ST Motor Mickten

12.02.  10:00  4. hrajny dźeń Worklecy II

Koparske hry jutře a zajutřišim