Žiwjenje pisa přeco zaso wulkotne stawiznički, tež w kopańcy. Hrajne zjednoćenstwo Lok Kamjenc/Natwar Němske Pazlicy startowaše ze swojimi přećelemi k wulkemu dyrdomdejej, na krajne mišterstwa Ü 60 do Wilsdruffa.
Hišće ženje njejsmy takle hromadźe hrali a dźěchmy tuž jako jasny outsider do turněra. Ze železnej disciplinu, bojownosću a wězo trěbnym zbožom ćehnjechmy po třoch njerozsudnych hrach z poměrom 1:1 do połfinalnych hrow. Tam trjechichmy na dobyćerja tamneje stafle, hrajne zjednoćenstwo Běła Woda/Ludwigsdorf/Rózbork. Z dobyćom 1:0 podachmy so ze semifinala do finala.
Tam čakaše na nas absolutny faworit, FV Neuhausen z Rudnych horin. Wón bu hižo wjacore razy krajny mišter. Zajimawe bě, zo docpěchmy přećiwo njemu hižo w skupinskej hrě kedźbyhódne 0:0. Naš cil bě jasny, tola na kóncu pokazachu hrajerjo swoju klasu a dobychu z 2:0.
Jónkrótne a wuspěšne dožiwjenje ze sportowej česćelakomnosću dźěše ke kóncej a sydom přećelow poda so z hordosću domoj.
Wšitkim wulki dźak za zbožowne wokomiki. To wostanje na přeco w pomjatku. Norbert Adler
Kónčna tabulka
1. FV Neuhausen