Turbulentne wurisanjez wuspěšnym wukóncom

wutora, 07. měrca 2023
artikl hódnoćić
(0 )
Worklečanske mustwo wobsadźi w Heidenauwje druhe městno. Stejo wotlěwa su to Patrick Preusche, Luca Šuster, Tobias Hejduška, Tomaš Čornak a Richard Kmjeć. Prědku wotlěwa kleča Stefan Hübner, David Matik a Tomaš Cuška.Foto: David Matik Worklečanske mustwo wobsadźi w Heidenauwje druhe městno. Stejo wotlěwa su to Patrick Preusche, Luca Šuster, Tobias Hejduška, Tomaš Čornak a Richard Kmjeć. Prědku wotlěwa kleča Stefan Hübner, David Matik a Tomaš Cuška.Foto: David Matik

„Tutón turněr njebě ničo za słabe čuwy lubowarjow kulowateje kože, kotřiž dźerža ke koparskim přećelam z Worklec.“ Toho běchu sej wjacori Worklečanscy wjesni koparjo na tak mjenowanym Asia Bistro Sunrise-cupje za ­wólnočasne mustwa w Heidenauwje přezjedni.

Hosćo z Worklec startowachu špatnje do wurisanja. Přećiwo ,,Bierussiji Nünchritz“ dóstachu so Worklečenjo njetrjebawši do zastatka. Z wothwizdanjom hry wjedźeše wrotar David Matik bul tež hišće njezbožownje z hłowu k 0:2 do swój­skeho saka.

Worklečanski motor pak so w druhej hrě přećiwo ,,ST Wampe“ pomału sćopli. Dwójny třělc Luca Šuster, kiž swjećeše swój debit za čorne košle, a rutinjej ­Patrick Preusche wobradźištaj Worklečanam solidne nawjedowanje. Něšto wokomikow do wothwizdanja skrótši kontrahent hišće na 3:1.

wozjewjene w: Sport
Prošu přizjewće so, chceće-li komentar podać

Serbska debata

nowostki LND