ST Lubuš – 

ST 1922 Radwor 1:3 (1:3)

Zestawa hosći: J. Pěčak – B. Grubert, M. Grubert, L. Pěčak, Wjeńka, Hetaš (84. Lawka), Paška (89. Dej), Wróbl, Wencel, Hančik (76. Krječmar), Dźisławk

Před duelom měještej wobě mustwje w tabulce samsnu ličbu dypkow. Mnozy ličachu tuž z wurunanej partiju. Tola Radworčenjo wot wšeho spočatka derje hrajachu a tónraz jasnje lěpje mjez sobu interagěrowachu.

Hižo w 11. min. přija team myto za sylny start. Po preciznym róžku stłóči Ben Grubert bul k 0:1 přez wrotowu liniju. Tež w slědowacych mjeńšinach wosta ćišć wysoki. Hosćo wuhrachu sej wjacore dobre móžnosće a buchu w 21. min. znowa mytowani. Jakub Wróbl bě so po solu přez poł pola přesadźił a 0:2 trjechił. Lubuš porno tomu jeno ćežko do partije přińdźe. Wjele dołhich bulow hosćo wěsće wotpopadnychu. Hakle w 31. min. poradźi so hosćićelam 1:2. Radworčenjo njedachu so wot toho zamylić. Jenož štyri mjeńšiny pozdźišo wuži Paul Hančik swoju spěšnosć, přesadźi so hač k wrotarjej a bu hrubje foulowany. Pokutny kop přetwori znowa Wróbl wěsće k 1:3. Z tutym wuslědkom dźěše zasłužbnje do přestawki.