Zastaranski kluč polěpšić poručenje

štwórtk, 30. junija 2016
artikl hódnoćić
(0 )
Kubłarce žłobika Chróšćanskeje pěstowarnje „Při pastyrni“ w nošerstwje Serbskeho šulskeho towarstwa Martina Mejglowa (nalěwo ) a Lydia Šołćina (naprawo) zaběratej so z dźěćimi w starobje jednoho do dweju lět. Tuchwilu wopytuje tule skupinu dwanaće dźěći z Chrósćic a wokoliny.  Foto: SN/Maćij Bulank Kubłarce žłobika Chróšćanskeje pěstowarnje „Při pastyrni“ w nošerstwje Serbskeho šulskeho towarstwa Martina Mejglowa (nalěwo ) a Lydia Šołćina (naprawo) zaběratej so z dźěćimi w starobje jednoho do dweju lět. Tuchwilu wopytuje tule skupinu dwanaće dźěći z Chrósćic a wokoliny. Foto: SN/Maćij Bulank

Dźěćace přebywanišća SŠT a CSB maja tuchwilu dosć kubłarkow a kubłarjow

Drježdźany (SN/MiR). Studija Bertelsmannoweje załožby wo personalnym wuhotowanju w němskich dźěćacych dnjowych přebywanišćach wuwabi po cyłej Sakskej horce diskusije. W srjedźišću steji klučowa ličba při zastaranju dźěći w žłobiku a pěstowarni na jednu kubłarku resp. jednoho kubłarja. Wčera wozjewjena studija pokazuje na to, zo ma so w Sakskej jedna kubłarka resp. kubłar w žłobiku wo přerěznje 6,4 dźěći starać, to je najwjac po cyłej Němskej. W Badensko-Württembergskej na přikład stara so jedyn fachowc wo tři dźěći. W pěstowarnjach je tomu z 13,5 w Sakskej k 7,3 w Badensko-Württembergskej podobnje. Tu steji Sakska po Mecklenburgsko-Předpomorskej (14,1) na druhim městnje negatiwneje lisćiny. Sakske ministerstwo za kultus so wobara: „Studija złožuje so nastupajo pěstowarnju na zestarjene daty. Podobnje je to pola žłobika“, piše kultus w nowinskej zdźělence. Mjeztym je so zastaranski kluč za pěstowarske skupiny w Sakskej wot lońšeho septembra wot poměra 1 k 13 na 1 k 12,5 polěpšił. Lětsa ma so wón dale na 1 k 12 pomjeńšić.

wozjewjene w: Kubłanje
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND