Z reju přećiwo rasizmej

srjeda, 29. junija 2016
artikl hódnoćić
(0 )
Dobra nalada natyknje. Młodostni z projekta „iThemba“ (nadźija) pućuja po cyłej Němskej a rozestajeja so z temu rasizm. Na Łazowskej wyšej šuli rozjimachu woni ze šulerjemi 7. lětnika prašenje, kak nadźija, měr a dorozumjenje nastawaja. 24lětna Louisa je ze šulerjemi reju nazwučowała. 26lětny Jay powědaše jim wo rasizmje w Južnej Africe.  Foto: Andreas Kirschke Dobra nalada natyknje. Młodostni z projekta „iThemba“ (nadźija) pućuja po cyłej Němskej a rozestajeja so z temu rasizm. Na Łazowskej wyšej šuli rozjimachu woni ze šulerjemi 7. lětnika prašenje, kak nadźija, měr a dorozumjenje nastawaja. 24lětna Louisa je ze šulerjemi reju nazwučowała. 26lětny Jay powědaše jim wo rasizmje w Južnej Africe. Foto: Andreas Kirschke

Cyrkwinske towarstwo zahorja tež we Łužicy z projektom „iThemba“

Łaz (AK/SN). Šěrić powěsć wo nadźiji, měrje a wujednanju je wobsah projekta „iThemba“ (nadźija), němskeho towarstwa Młodźina za Chrysta z.t. Projekt wusměrja­ so na dwanaće- do 18lětnych šulerjow a młodostnych. Tak su Jay (26), Louisa (24), Evan (19), Burton (23), Naledi (19) a Mookho (22) njedawno na rapsong skupiny Family Force 5 „Chainsaw“ a na dalše spěwy we Łazowskej Wyšej šuli rejowali. Při tym so intensiwnje z temu rasizm roze­stajachu.

Jay prašeše so šulerjow za swójskimi dožiwjenjemi z rasizmom. Woni rěčachu wo demonstraciji prawicarjow we Wojerecach a wo dožiwjenjach z ćěkancami. Jay zmuži młodostnych, ćěkancam připosłuchać. „Jenož tak předsudki přewinjeće. Starajće so wo ludźi tak, kaž byšće sej to wot nich přeli. Prajće ,ně‘ k rasizmej“, wón podšmórny.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND