Prima ideja za biblioteku

srjeda, 14. septembera 2016
artikl hódnoćić
(0 )
Sobudźěłaćerka Ludoweho nakładnistwa Domowina Martina Kubicowa je šulerjam Radworskeje Serbskeje zakładneje šule „Dr. Marja Grólmusec“ najrjeńše serbske dźěćace knihi za jich bibiblioteku poručiła.  Foto: Rejzka Deleńkec Sobudźěłaćerka Ludoweho nakładnistwa Domowina Martina Kubicowa je šulerjam Radworskeje Serbskeje zakładneje šule „Dr. Marja Grólmusec“ najrjeńše serbske dźěćace knihi za jich bibiblioteku poručiła. Foto: Rejzka Deleńkec

Na Radworskej zakładneje šuli „Dr. Marja Grólmusec“ smy njedawno bazar hrajkow přewjedli, zo bychmy našu rjadownisku biblioteku serbskorěčnych knihow rozšěrili. Wabjenske plakaty k tomu zhotowichmy hižo do toho a wupójsnychmy je w šuli.

Doma wupyta sej kóždy šuler našeje rjadownje hrajki, kotrež hižo njewužiwa. Z toho nasta wulki poskitk. Trjebachmy dohromady jědnaće šulskich ławkow, zo bychmy wěcy wustajili. Na blidach ležachu a stejachu awtka, knihi, hry, klanki, rjećazki, cejdejki, pleńčatka a tójšto druheho drobjaza. Hrajki płaćachu stajnje něhdźe jedyn do dwaj euraj.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND