Inkluzija wostanje ideal

srjeda, 18. januara 2017
artikl hódnoćić
(1 )
Nawoda hojenskopedagogiskeho a integratiwneho dźěćaceho přebywanišća na Daimlerowej w Budyšinje Jurij Štrbenk je póndźelu studentam tudyšeje Serbskeje fachoweje šule za socialnu pedagogiku wo inkluziji přednošował. Po referaće wobroćichu so mnozy na njeho hišće z dalšimi prašenjemi.  Foto: Constanze Knappowa Nawoda hojenskopedagogiskeho a integratiwneho dźěćaceho přebywanišća na Daimlerowej w Budyšinje Jurij Štrbenk je póndźelu studentam tudyšeje Serbskeje fachoweje šule za socialnu pedagogiku wo inkluziji přednošował. Po referaće wobroćichu so mnozy na njeho hišće z dalšimi prašenjemi. Foto: Constanze Knappowa

Přichodni kubłarjo z fachowcom čile diskutowali

Budyšin (CK/SN). W decembru hakle bě němske knježerstwo zakoń wo inkluziji wobzamknyło. Kak ćežko drje budźe jón zwoprawdźić, bě wobsah přednoška w Budyskim powołanskošulskim centrumje. Što přesadźenje zakonja dokładnje woznamjenja, njeje hišće jasne, wšako je to wěc krajow, kaž Jurij Štrbenk zawče­rawšim wuswětli. Rodźeny Słowjenc je w swojej domiznje studował, jako hudźbny terapeut dźěłał a so na wjacorych studijach wobdźělił. Wot lěća 2015 nawjeduje wón hojenskopedagogiske a integratiwne dźěćace dnjowe přebywanišćo na Budyskej Daimlerowej z 20 sobudźěłaćerjemi, kotrež je w nošerstwje Hornjołužiskeje pomocy k žiwjenju a za swójby z.t. Diplomowy pedagoga za rehabilitaciju je eksperta a po słowach dr. Hubertusa Šenka ze Serbskeje fachoweje šule za socialnu pedagogiku „teoretikar a praktikar w jednej wosobje“. Jurij Štrbenk přednošowaše póndźelu w awli Budyskeho powołanskošulskeho centruma za hospodarstwo a techniku wo tym, što inkluzija za kubłarja woznamjenja.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND