Hordosć na rěč a nałožki budźić

póndźela, 23. januara 2017
artikl hódnoćić
(0 )
Na dnju wotewrjenych duri na Kulowskej wyšej šuli předstajichu sobotu Tabea Försterec,  Saskia Waschulewskec a jeju wučerka Sabina Modšinkowa (wotlěwa) serbski  pismikowy memory.  Foto: Andreas Kirschke Na dnju wotewrjenych duri na Kulowskej wyšej šuli předstajichu sobotu Tabea Försterec, Saskia Waschulewskec a jeju wučerka Sabina Modšinkowa (wotlěwa) serbski pismikowy memory. Foto: Andreas Kirschke

Na Wyšej šuli „Korla Awgust Kocor“ Kulow je serbšćina kruće zakótwjena. Wo tym móžachu so tam sobotu wopytowarjo­ na dnju wotewrjenych duri přeswědčić.

Kulow (AK/SN). Serbšćinje připóznawaja na Kulowskej wyšej šuli „Korla Awgust Kocor“ wulki wuznam. „Chcemy hordosć na stawizny budźić. K tomu na kóždy pad tež Korla Awgust Kocor słuša“, podšmórny nawodnica kubłanišća Ines Lešowa na sobotnym dnju wotewrjenych duri. Tójšto šulerjow 4. lětnika bě ze swojimi staršimi přišło, ale tež dalši wobydlerjo a bywši šulerjo, zo bychu so wobhonili.

„Smy jenička wyša šula we Wojerowskim regionje, kotraž serbšćinu po koncepće 2plus bjez přetorhnjenja wot 5. do 10. lětnika poskića“, rjekny šulska nawodnica. Hinak hač minjene lěta pak móža koncept tuchwilu jenož we wobmjezowanej formje zwoprawdźeć, štož zaleži na napjatej personalnej situaciji. Ines Lešowa a jeje kolegina Sabina Modšinkowa zawěsćatej wučbu serbšćiny. W dalšich pjeć předmjetach zapřijimaja znajmjeńša někotre serbske wurazy. Z dohromady 280 šulerjow wuknje 45 serbšćinu po koncepće 2plus.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND