Jimace dóńty Breslauskich Židow

štwórtk, 09. nowembera 2017
artikl hódnoćić
(0 )
Hižo 22 lět wotměwaja we Wojerecach projekt „Přećiwo zabyću“. Šulerjo rozestajeja so z nacionalsocializmom. Tele šulske lěto přihotuja so z filmom „Wir sind Juden aus Breslau“ na jězbu k wopomnišću Auschwitz-Birkenau.  Foto: Andreas Kirschke Hižo 22 lět wotměwaja we Wojerecach projekt „Přećiwo zabyću“. Šulerjo rozestajeja so z nacionalsocializmom. Tele šulske lěto přihotuja so z filmom „Wir sind Juden aus Breslau“ na jězbu k wopomnišću Auschwitz-Birkenau. Foto: Andreas Kirschke

Projekt „Přećiwo zabyću“ (Wider das Vergessen)“ zaběra so z časom nacionalsocializma. Wojerowscy šulerjo podawaja so na slědy přesćěhaneho ludu Židow do susodneje Pólskeje.

Dirk Szuszies rěči jasne słowa. „Tónle film njeje lochki. Wón apeluje na waše začuća, na waše swědomje“, měni ko-režiser lěta 2016 nastateho 108 minutow dołheho filma „Wir sind Juden aus Breslau“. Na žurli Wojerowskeje Kulturneje fabriki je 55 kedźbliwych šulerjow 9. a 10. lětnika z wokolnych wyšich šulow a gymnazijow. Režiserka Karin Kaper z Berlina je film nawjerćała, kotryž słuša do projekta „Přećiwo zabyću“. Na žurli Kulturneje fabriki hladaja rozmyslowacy, šokowani a nastróženi šulerjo kaž tež wučerjo na sćěnowinu. „Dajće so wot žiwjenskeje wole tychle ludźi wodźić“, podšmórnje Dirk Szuszies. „Pokažće ciwilnu kuražu. A wukńće z toho.“

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND