Spěšnosankowarjo dalšu złotu medalju Němskej zawěsćili

pjatk, 16. februara 2018
artikl hódnoćić
(0 )
Natalie Geisenberger, Johannes Ludwig, Tobias Arlt a Tobias Wendl (wotprawa) su teamowe  wubědźowanje w spěšnosankowanju dobyli a tak wuspěch ze Sočija 2014 wospjetowali, jako měješe wurisanje premjeru.  Foto: dpa/Michael Kappeler Natalie Geisenberger, Johannes Ludwig, Tobias Arlt a Tobias Wendl (wotprawa) su teamowe wubědźowanje w spěšnosankowanju dobyli a tak wuspěch ze Sočija 2014 wospjetowali, jako měješe wurisanje premjeru. Foto: dpa/Michael Kappeler

Staw medaljow po 44 ze 102 rozsudow:

złoto slěbro bronza

1. Němska  9 2  4

2. Norwegska   6 8 5

3. Nižozemska  5 5 2

4. USA   5 1 2

5. Kanada  4 5 4

6. Šwedska  4 2 0

7. Francoska  3 2 2


Cyłkownje dźewjatu złotu me­dalju za němsku olympisku wubranku docpěchu spěšnosankowarjo wčera w zakónčacym teamowym wubědźowanju. To rěka, zo su Němcy wuspěch ze Sočija hižo přetrjechili a su najwuspěšniši kraj w sankowarskim wubědźowanju.

Jednotliwcaj Natalie Geisenbergera, Johannes Ludwig kaž tež Tobias Wendl a Tobias Arlt na dwojosydłaku su swojej faworitowej róli wotpowědowali a Němskej dalše olympiske złoto zawěsćili. Slěbro zawěsći sej Kanada. Awstričenjo wobsadźichu třeće městno. Němske mustwo bě teamowe wubědźowanje hižo 2014 w Sočiju dobyło, jako je tam prěni króć přewjedźechu.

wozjewjene w: Sport

Galerija

dalši wobraz (1) Olympiske zymske hry w Pyeongchangu
Prošu přizjewće so, chceće-li komentar podać

Serbska debata

nowostki LND