Slawiniada rěčnikow spěchuje poručenje

póndźela, 05. měrca 2018
artikl hódnoćić
(0 )
Dźesać šulerjow 9. lětnika z Radworskeje Serbskeje wyšeje šule „Dr. Marja Grólmusec“ a Budyskeho Serbskeho gymnazija, kotřiž wuknu serbšćinu jako cuzu rěč, je so zańdźeny pjatk a sobotu na lětušej 3. slawiniadźe w Budyšinje wobdźěliło. Wulku podpěru šulerskemu seminarej poskićatej Cyłotny zwjazk za načasne cuze rěče kaž tež ministerstwo za kultus Sakskeje. Prof. dr. Grit Mehlhorn z Instituta za slawistiku Lipšćanskeje uniwersity je seminar z naročnymi nadawkami wobsahowje přihotowała.  Foto: Carmen Schumann Dźesać šulerjow 9. lětnika z Radworskeje Serbskeje wyšeje šule „Dr. Marja Grólmusec“ a Budyskeho Serbskeho gymnazija, kotřiž wuknu serbšćinu jako cuzu rěč, je so zańdźeny pjatk a sobotu na lětušej 3. slawiniadźe w Budyšinje wobdźěliło. Wulku podpěru šulerskemu seminarej poskićatej Cyłotny zwjazk za načasne cuze rěče kaž tež ministerstwo za kultus Sakskeje. Prof. dr. Grit Mehlhorn z Instituta za slawistiku Lipšćanskeje uniwersity je seminar z naročnymi nadawkami wobsahowje přihotowała. Foto: Carmen Schumann

Rady bychu wobdźělnicy dlěje w sprjewinym měsće přebywali

Budyšin (SN/MiR). Najwažniši posudk wobdźělnikow lětušeje, mjeztym 3. sakskeje Slawiniady bě, zo bychu rady hišće dlěje na zetkanju w Budyšinje přebywali. Šulerjo mějachu přemało chwile za mjezsobne zeznaće kaž tež za zeznajomjenje ze sprjewinym městom.

W Sakskej móža sej zajimowani šulerjo w cuzorěčnej wučbje štyri słowjanske rěče přiswojić – čěšćinu, pólšćinu, serbšćinu a rušćinu. Poskitk wobsteji po cyłym zwjazkowym kraju, a to we wšěch šulskich schodźenkach, wot zakładneje šule hač na gymnazij. Zańdźeny pjatk a sobotu je so 40 młodostnych 9. lětnika w Budyskej młodowni w Garbarskej bašće k šulerskemu seminarej pod hesłom Slawiniada zetkało, zo bychu swoje dokonjanosće při nałožowanju znajomosćow w tychle rěčach dopokazali.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND