Poměrnje mało serbskich šulerjow na fachowej šuli

póndźela, 12. měrca 2018
artikl hódnoćić
(0 )
Elke Jäckel a Silvana Miersch (wotlěwa)  Foto: Carmen Schumann Elke Jäckel a Silvana Miersch (wotlěwa) Foto: Carmen Schumann

Budyski Powołanskošulski centrum za hospodarstwo a techniku wabi kóžde lěto z dnjom wotewrjenych duri wo šulerjow. Serbscy młodostni a dorosćeni su tam na Serbskej fachowej šuli za socialne wosebje witani.

Budyšin (CS/SN). Wopyt powołanskeje fachoweje šule z wusměrjenjom socialne na Budyskim Powołanskošulskim centrumje za hospodarstwo a techniku je w zasadźe wuměnjenje za dalše wukubłanje na kubłarja na Serbskej fachowej šuli za socialne w Budyšinje. W běhu dweju lět so šulerjo na socialneho asistenta wukubłuja. Hakle z tajkim wotzamknjenjom móža so za třilětne połnočasowe wukubłanje na kubłarja požadać. Tež powołanje přewodźace wukubłanje je móžne, kotrež štyri lěta traje. Puć ke kubłarjej pak hodźi so tež po druhim puću nastupić. Tu maja požadarjo dopokazać powołanske skutkowanje na druhim polu, znajmjeńša dweju lět. Štóž je hižo w kubłanskim a hladanskim powołanju dźěłał, móže so po sydom lětach skutkowanja na kubłarja wukubłać dać.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND