Za nikoho žadyn pardon – lěsny běh prózdninarjow wužadał a wokřewił
Prózdniny su wjeselo, a to kóžde lěto znowa we Wodowych Hendrichecach. Lětsa přebywaše tam 34 dźěći wot 2. do 9. lětnika dźesać dnjow. Serbske šulske towarstwo bě wospjet na swoje rěčne lěhwo přeprosyło.
Něchtóžkuli móhł sej myslić, zo je to mjeztym rutina za tych, kotřiž so wo prózdninarjow staraja. Tomu pak tak njeje. To dyrbjachmoj tež mój dožiwić, fotograf a redaktorka SN.