Čuja so doma a z kliniku zwjazani

srjeda, 18. septembera 2019
artikl hódnoćić
(0 )
Ze 17 absolwentow medicinskeje powołanskeje fachoweje šule Łužiskeho jězorinoweho klinikuma je pjatnaće dźěłowy poskitk Wojerowskeje chorownje přiwzało. Woni we wšitkich stacionarnych wobłukach domu dźěłaja.  Foto: Gernot Schweitzer Ze 17 absolwentow medicinskeje powołanskeje fachoweje šule Łužiskeho jězorinoweho klinikuma je pjatnaće dźěłowy poskitk Wojerowskeje chorownje přiwzało. Woni we wšitkich stacionarnych wobłukach domu dźěłaja. Foto: Gernot Schweitzer

Na medicinskej powołanskej fachowej šuli Łužiskeho jězorinoweho klinikuma bě lětsa 17 šulerjow swoje wuswědčenje dóstało. Wot 2. septembra maja tam 26 nowych wučomnikow.

Wojerecy (SN/mwe). Absolwenća móža so nětko pruwowani strowotniscy a hladarjo chorych mjenować a so tuž na swój wšědny powołanski dźeń nastaja. Šulske wjednistwo, nawodźa praksow, hladanska direktorka kaž tež medicinski direktor domu jim wutrobnje k tomu gratuluja. Zdobom so něhdyšim wučomnikam za jich angažement we wobłuku wšelakich projektow w praktiskim wukubłanju dźakuja. Pjatnaće absolwentow je dźěłowy poskitk Wojerowskeje kliniki přiwzało a wostanu tak domej swěrni.

Byrnjež maćeršćina medicinskeho personala z kriterijom přistajenja njebyła, sej we Wojerecach česća, zo tam chorobne sotry a dalši tež serbsce rěča. Po wuprajenju šule je mjez nowymi hladarkami młoda Serbowka.

wozjewjene w: Kubłanje
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND