Kwasuja po cyłej Łužicy

póndźela, 27. januara 2020
artikl hódnoćić
(0 )
W połnje wobsadźenej „Jednoće“ su chowancy „Chróšćan kołća“ wčera swój program předstajili. Foto: Feliks Haza W połnje wobsadźenej „Jednoće“ su chowancy „Chróšćan kołća“ wčera swój program předstajili. Foto: Feliks Haza

Dźěći na mnohich městnach ptačokwasne programy pokazali

Budyšin (SN/BŠe). Po cyłej Łužicy předstajeja dźěći tele dny ptačokwasne programy, kotrež běchu minjene tydźenje pilnje nazwučowali. Hižo štwórtk su hortowe dźěći Slepjanskeje pěstowarnje „Pfiffikus“ kwasowali. Witaj-skupina chowancow AWO-pěstowarnje Budyskeje Strowotneje studnje dojědźe sej pjatk dopołdnja do hladarnje starych „Sonnenhof“ na Tuchorskej, hdźež su so wobydlerjo jara nad jich wopytom a ptačokwasnym programom wjeselili.

Radworski dźěćacy dom „Alojs Andricki“ je pjatk prěni raz ptači kwas w hosćencu „Meja“ pokazał. Tam maja jewišćo a wjele městna za přihladowarjow, kotřiž běchu we wulkej ličbje přitomni. Nimo staršich, dźědow a wowkow a zdźěla tež kmótow dźěći su tež wuměnkarjo wosady přišli a sej spodobny program lubić dali. Na čole ćaha steješe lětsa braška Quentin Kral, kiž witaše hosći w mjenje njewjesty Milenki Eiseltec a nawoženje Janeka Měrćinka.

wozjewjene w: Kubłanje

Galerija

dalši wobraz (1) W Němcach je wčera 35 chowancow pěstowarnje „Pumpot“ z njewjestu Emily Pohmer a nawoženju Emilom Sendu kwasowało. Foto: Gernot Menzel
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND