Budyšin (SN/MiR). Po nazymskich prózdninach su wšitke šule na nowe rjado­wanja koronapandemije dla nastajene. Mjez druhim maja na Budyskim Serbskim gymnaziju krućiše postajenja. „Chcemy, zo wostanje při wšěch wob­mjezowanjach wuknjenska situacija přijomna“, zwuraznja nawoda gymnazija René Wjacławk, „a spytamy organizować jasne struktury.“ Mjeztym maja tam wjacorych wučerjow, kotřiž su w karantenje abo schorjeli, nic pak w kóždym padźe korony dla. A tež w kóždej rjadowni su šu­lerjo, kotřiž dyrbja karanteny abo schorjenja dla doma wostać.