Čakaja na polěpšenje poručenje

wutora, 16. měrca 2021
artikl hódnoćić
(0 )

Šule su pućowanske dny zdźěla přewjedli abo tajke planuja

Pančicy-Kukow/Slepo (SN/MiR). Krok po kroku so wšitcy šulerjo w Sakskej do šule nawróćeja, hdźež maja zaso prezencnu wučbu. Přiwšěm njewotměwa so wučba a z njej tež cyłe šulske žiwjenje hižo tak kaž do časa koronapandemije. Mjez druhim su nawodnicy a nawodźa šulow tež wo tym rozsudźić dyrbjeli, kak z kubłanskimi a pućowanskimi dnjemi postupować. Dźěl kubłanišćow wšak je tajke zarjadowanja, kotrež słušeja do kruteho plana, hnydom na spočatk šulskeho lěta połožił.

Na Šuli Ćišinskeho w Pančicach-Ku­­kowje běchu dotal wosebite wjerški zarjadowali a wobdźělenje na tajkich zarjadowanjach zwonka šule hnydom spočatk šulskeho lěta zarjadowali. Tónkróć pak su je za 1. połlěto kompletnje šmórnyli a šulske lěto 2020/2021 jako ,,lěto wuknjenja“ postajili. Tak su tam dołhož móžno wučbu přewjedli. Za 2. połlěto planowane zarjadowanja tež jenož budu, su-li wone hladajo na pandemiju a jeje wuskutki móžne. To zdźěli na naprašowanje nawodnica šule Jadwiga Čižankowa.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND