W šulach na zakładźe dźěła w teamje najlěpše wuslědki docpěć
Chrósćicy (SN/MiR). Nowa internetna strona je online. Wuwiłoj staj ju Budyska wotnožka Sakskeho krajneho zarjada za šulu a kubłanje (LaSuB) a Budyski Rěčny centrum WITAJ. Dotalny fachowy dźeń je z internetnym poskitkom dóstał nowu formu, to rěka, zo skutkuje wotnětka jako zjawny forum za šule, w kotrychž podawaja wučbu po koncepće 2plus, za šule z wučbu serbšćiny a za wšitkich na kubłanju wobdźělenych a zajimowanych. Tak je iniciatoram wosebje wažne, zo stanje so strona jako stajny forum z móžnosću wuměny a wobdźělenja mjez wšěmi tymi, kotřiž su abo čuja so ze šulu zwjazani.