Požadarce skutkujetej w teamje na dobro wozrodźenja rěče
Choćebuz (SN/MiR). Sobudźěłaćerki Šule za delnjoserbsku rěč a kulturu w Choćebuzu so jara wjesela. Wšako budu přichodnje z nowymaj docentkomaj w swojich mnohich kursach dźěłać móc. Wo to je so předewšěm nawodnica kubłanišća Uta Henšelowa prócowała. Tež hižo jeje předchadnica Marja Elikowska-Winklerowa bě swój čas wobstajnje na to skedźbnjała, zo trjebaja na kubłanišću wjace přistajenych docentow a docentkow.