Křesćansko-socialny kubłanski skutk ma tójšto planow
Miłoćicy (SN/MiR). Tež hdyž je koronapandemija aktiwity Křesćansko-socialneho kubłanskeho skutka (CSB) w Miłoćicach w zašłymaj lětomaj trochu wobmjezowała, zhladuje jednaćel Peter Neunert přewšo optimistisce na skutkowanje wulce připóznateho towarstwa. „Wosebje spokojom sym, kak derje přistajeni hromadźe dźěłaja“, Neunert zwuraznja. Mjez planowanymi předewzaćemi je platforma za zežiwjenje, kotraž ma lětsa online hić. Wulku zamołwitosć, ju zdźěłać, maja ekotrofologojo (Ernährungswissenschaftler) centruma CSB za zežiwjenje a zela, ale tež Wojerowskeje dźěćaceje a młodźinskeje farmy. Tam wšak móžachu loni z pomocu spěchowanskeho programa Interreg něhdźe 240 000 eurow za ponowjenje rumnosćow a nowowuhotowanje kuchnje nałožić.