Šulerjo 4. lětnika maja swoje kubłanske poručenje w rukomaj
Budyšin/Drježdźany (SN/MiR). W Sakskej su minjeny pjatk do skónčenja prěnjeho šulskeho połlěta 2021/2022 něhdźe 33 200 šulerjam 4. lětnika kubłanske poručenje přepodali. Mjez nimi su někotři, kotřiž běchu prawo wužiwali, winowatosć na wopyt šule wusadźić. Sakske ministerstwo za kultus (SMK) zwuraznja, zo njeje so to na mjenowane poručenje wuskutkowało. Kaž kóžde lěto dóstachu wuknjacy 4. lětnika do zymskich prózdnin połlětnu informaciju, to rěka wuswědčenje a k tomu kubłanske poručenje. W połlětnej informaciji za šulske lěto 2021/2022 su při tym wosebitu situaciju pandemije wobkedźbowali.
