Do zašłosće a přichoda statneje serbskeje institucije pohladane

Choćebuz (OD/SN/MiR). Lětsa zhladuje Choćebuske Dźěłanišćo za serbske kubłanske wuwiwanje (ABC) na 30. róčnicu wobstaća. Załožene bu 1992 jako braniborskemu ministerstwu za kubłanje, młodźinu a sport přirjadowana institucija. Rady by ABC składnostnje jubilejneho lěta kubłansku konferencu ze wšěmi na kubłanju wobdźělenymi akterami přewjedło, nima pak za to personelne mocy. Wšako njebu rozšěrjenje personala přizwolene, tak zo njemóža konferencu sami přihotować. „Jako sym słyšała, zo tež Domowinska župa Delnja Łužica tajku planuje, sym jej našu koncepciju posrědkowała. Snadź so kooperacija radźi. Konkretnu wotmołwu wot župana dr. Pětša Šurmana dotal hišće nimam“, praji nawodnica ABCja dr. Christiana Piniekowa. W zhromadnym dźěle ma nastać gratulaciski widejo z medijowym kursom Delnjoserbskeho gymnazija Choćebuz, a to za homepage ABCja. Dwaj šulerjej staj so zwólniwaj wuprajiłoj, jón hač do julija nawjerćeć. Poněčim hotuje so ABC na dalšu změnu. Wšako poda so dr.