Wojerowske kubłanišćo Johanneum swjeći tele dny 30lětne wobstaće
Wojerecy (AK/SN). Křesćanska šula Johanneum Wojerecy rěči za žiwu ekumenu, tolerancu, zhromadne dźělo z wosadami kaž tež wotewrjenosć swětej. Wona staja so wužadanjam přichoda. „Naš wodźacy motiw wostanje, zo ma so šula stajnje zaso wobnowić,“ potwjerdźi šulski nawoda Günter Kiefer wčera w swojej narěči na swjedźenskim zarjadowanju „30 lět Johanneum“. „Dźensa mamy cyłkownje 601 šulerja na šuli, 450 gymnaziastow a 151 wyšich šulerjow kaž tež 50 wučerjow.“