Hort w Slepom nětko ze swójskim mjenom

štwórtk, 15. septembera 2022
artikl hódnoćić
(1 )
Skulptura „Błudnički“ je dźesata noweje šćežki serbskich powědkow w Slepom. Zdobom pomjenuje wona wotnětka hort tamnišeho Němsko-serbskeho šulskeho centruma.  Foto: Constanze Knappowa Skulptura „Błudnički“ je dźesata noweje šćežki serbskich powědkow w Slepom. Zdobom pomjenuje wona wotnětka hort tamnišeho Němsko-serbskeho šulskeho centruma. Foto: Constanze Knappowa

Slepo (CK/SN). Hort Němsko-serbskeho šulskeho centruma w Slepom ma wotnětka swójske mjeno. Minjeny pjatk staj Slepjanski drjeworězbar Tomas Schwarza a rěčnica Domowiny za Slepjanski region Diana Maticowa zhromadnje z dźěćimi we wobłuku swjatočnosće w sportowej hali banćiki při skulpturje „Błudnički“, kotraž njedaloko zachoda do horta přichadźacych wita, roztřihałoj. Něhdźe ­štyri metry wysoka postawa je zdobom dźesata stacija serbskeje šćežki powědkow, kotraž tuchwilu w Slepom nastawa. Na płoće šulskeje ležownosće ma za něšto tydźenjow slědować tafla. Tak móža so tež wonkowni zajimcy wo błudničkach informować.

Zhromadnje z dźěćimi podachu so kubłarjo a kubłarki do swěta powědkow a počachu so za błudnički zajimować. Fosforeskowace swětleška wodźa ludźi po bahnu. „Runje tak chcemy tež my być dźěćom pokazowaki, chcemy jim być ­poboku pomocliwi a wobchad połny mjezsobneho respekta pěstować“, rjekny Christin Becker.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND