Lipsk (JBo/SN). Nowy semester su wčera na Instituće za sorabistiku w Lipsku zahajili. Jeho direktor prof. dr. Edward Wornar je nowačkow Jakuba Škodu, studenta wučerstwa za zakładnu šulu, Jonasa Pjetaša, studenta wučerstwa za wyšu šulu, kaž ­tež stipendiatow Załožby za serbski lud ­Karolinu Babczuk z Pólskeje a Kryštofa Peršina z Čěskeje w twarjenju słucharnjow na hłownym campusu uniwersity witał. Nimo toho su so docenća a docentki instituta nowačkam předstajili.