Prěnja bilanca rěčneho docenta za dorosćenych: Kursisća su swěrni

Budyšin (SN/mb). Mjeztym 16 kursow „hornjoserbšćina za dorosćenych“ Rěčny centrum Witaj (RCW) poskićuje. Wot lońšeje meje skutkuje rěčny docent za dorosćenych Marek Krawc a so wjeseli, zo je „mało fluktuacije“. To woznamjenja, zo wjele wobdźělnikow po wotzamknjenju kursa na přichodnym schodźenku pokročuja. Wšo dohromady ma w Zhorjelcu bydlacy docent tuchwilu 15 kursow sam na starosći. Sydom kursow w kooperaciji ze Serbskej rěčnej šulu Krajneho zarjada za šulu a kubłanje měri so prěnjotnje na wučerjow, kubłarjow a přistajenych serbskich institucijow. Pjeć tutych kursow na schodźenku A1, A2 a B2 so w Slepom wotměwa. jedyn kurs (A1) we Wojerecach a jedyn (A2) w Budyšinje. Na najnišim niwowje A 1 móžeš jara jednore prašenja rozumić a na to wotmołwjeć.