Dohromady 51 předewzaćelow, firmow a zarjadow z wokoliny je so dźensa tydźenja na 3. regionalnych powołanskich wikach w Ralbicach prezentowało. Sportowa hala a dwór delanskeje šule běštej kopaće połnej stejnišćow a zajimcow. Hladajo na wopytowarstwo kaž tež na wustajerjow běchu wiki wuspěšne. Wot mulerja hač k rybarjej, wot hladarki hač k financnej poradźowarce, wot předawarja hač k překupcej za digitalne a printowe medije – paleta wustajerjow a móžnosćow, so wo wukubłanskich a dźěłowych poskitkach we Łužicy informować, bě přewšo wulka. Mnozy z wopytowarjow su swój horicont bjezdwěla rozšěrili, a někotři so přichodnje snadź samo za změnu powołanja rozsudźa.