FC Energija Choćebuz – 1.FC Nürnberg 1:1 (0:0)

FC Energija: Lotka – Rorig (80. Kinsombi), Erlein, Manu (82. Campulka), Guwara (65. Doumbia), Michelbrink, Bittencourt (65. Pelivan), Hannemann, Ciğerci, Copado, Butler (80. Bogdanov)

wrota: 1:0 Butler (56.), 1:1 Mkrtchyan (79.)

přihladowarjo: 18 056

Dlěje hač dwanaće lět dyrbjachu w Choćebuzu na hru druheje zwjazkoweje ligi pod swětłomjetakami čakać. Tola tele čakanje­ je so wudaniło. To móže a smě 18 056 přihladowarjow (inkluziwnje 2 500 z Frankowskeje) po swojim wopyće pjatk wječor w LEAG Energijowym stadionje wobkrućić. Tež, zo móžeše nowačk ambicioněrowanemu mustwu z Nürnberga na kóncu wulce zasłuženy dypk wotewzać, słuša k wěrnosćam zahorjaceho duela. Nawjedowanje přez Justina Butlera bě wobhladanjahódne. Po mudrym pasu Lukaša Michelbrinka ze swójskeje połojcy startowaše Leo Bittencourt w spěšnym tempje na wrota. Tola we wizěrje njeměješe ani prawy ani lěwy róžk a rozsudźi so w poslednim wokomiku za sobu běžaneho srjedźneho nadběhowarja Justina Butlera, kiž docpě lochko swoje pjate wrota aktualneje sezony (56.).