Dalekubłanje za staršich a wobchad z digitalnymi medijemi

Chrósćicy (SN/MiR). „Digitalnje wotrosć“ bě hesło staršiskeho wječorka zašły pjatk wječor w Chróšćanskej wjacezaměrowej hali „Jednota“. Wjace hač połsta zajimcow bě na přednošk Marcela Burghardta z organizacije Social Web macht Schule sćěhowało. Koordinator za serbske šule pola regionalneje wotnožki krajneho zarjada za šulu a kubłanje (LaSuB) Syman Pawlik jich witaše. Zarjadowanje je sakske statne ministerstwo za kultus a LaSuB w kooperaciji z Rěčnym centrumom WITAJ, na předwječoru lětušeho 9. fachoweho dnja 2plus přihotowało.