Po najwyšej poražce sezony při pinčnych durjach
Preußen Münster
– FC Energija Choćebuz 3:0 (2:0)
FC Energija Choćebuz
– SG Sonnenhof Großaspach 0:0
Zestawa hosći: Spahić – Stracew (56. Viteritti), Stein, Matuwila, Schlüter, Stanese (8. Weidlich), Baude, de Freitas, Zimmer, Graudenz (72. Beyazit), Mamba
Při jasnym 0:3 w Münsteru je FC Energija Choćebuz pjatk wječor na 8. hrajnym dnju swoju najwyšu poražku sezony kasěrowała. Hižo w prěnich dźesać mjeńšinach połožichu hosćićeljo z dwojimi wrotami Martina Kobylanskeho (3., 9.) zakładny kamjeń za dobyće. Njewuspany škit pak něhdyšemu hrajerjej FCE porjadnje pomhaše. Tež při třećich wrotach bě syn něhdyšeho profija Energije Andzreja Kobylanskeho rozsudnje wobdźěleny. Wólny kop Kobylanskeho do šěsnatki přetwori Jannik Borgmann bjez wulkeho mylenja profijow FCE. Wola pola hosći eksistowaše, móžnosće pak běchu limitěrowane. Jenož Marc Stein měješe w přidatnym hrajnym času prěnjeho połčasa naspomnjenjahódnu móžnosć, jako wón bul nimo wrotow zhłójčkowa.
Znowa wuspěšne zarjadowanje
Na lětušim Budyskim běhu z wutrobu je so nimale 2 000 šulerjow a wučerjow wobdźěliło. Zhromadnje naběžachu na Budyskej Młynkec łuce 25 600 eurow za dobry zaměr.
Hosćićel swoje šansy we wurunanej hrě lěpje wužiwał
Traktor Malešecy – SJ Njebjelčicy 2:0 (0:0)
Zestawa domjacych: Lehmann – Meier, Swakon, Krygar, Günther, Handrik, Benad, Metasch (58. Hoferichter), Seiler (80. Schmidt), Schwurack, Bolz
Zestawa hosći: Hahn – Haška (70. Čornak), Wagner, Plaettner, Šołta, Lejnart (62. Cyž), Korjeńk, Hrjehor, Pawlik, Domš
Posledni raz zetkaštej so koparskej mustwje w Malešecach před dwanaće lětami, a to we wobwodnej klasy, a hraještej tehdy 0:0. Nětko pak steještej sej z womłodźenymaj zestawomaj znowa napřećo. Wobě koncentrowaštej so w prěnich mjeńšinach na škit swójskich wrotow, čehoždla njedowolištej žane wulke šansy. Hosćo mějachu w 7. min. prěnju składnosć, ale domjacy wrotar třělwu wuspěšnje wotwobara. Na tamnej stronje třěli Metasch swobodnje stejo bul snadnje nimo (13.). W 25 min. pospyta so Njebjelčan Korjeńk z dalokotřělwu, kotraž pak dźěše wyše łaty. Swoju najlěpšu šansu měješe Wagner za hosći, kiž z dobreje pozicije bul snadnje nimo zhłójčkowa (39.). Malešenjo mějachu přez Metascha (40.) a Benadu (42.) dalšej móžnosći, ale wobaj hrajerjej njemějštaj wuspěch. Tuž so prěni połčas ze sprawnym 0:0 skónči.
Widźał, słyšał, napisał (24.09.18)
„Jedenáctka, to je moje místo!“, rjekny mi njedawno přećelny rentnar z Českich Budějovic. Tuž hnydom stanych a so zamołwich. Wobaj smój mjenujcy načolnu hru druheje čěskeje koparskeje ligi mjez Dynamom České Budějovice a mustwom FK Ústí nad Labem wopytałoj a běchmoj mjez nimale 2 000 přiwisnikami. Běch tři tydźenje w stolicy južnych Čech a wobdźělich so tam na rěčnym kursu. Hnydom prěni tydźeń dóstach z Łužicy pokiw, zo wočakuje w koparskim stadionje Střelecký ostrov (kupa třělcow) třeći prěnjeho tabulki. Šansu, šlagrowu partiju widźeć, nochcych wězo zapasć.
Wuslědki (24.09.18)
Kopańca, wokrjesna liga stafla II
1. ST Lubuš 6 15 : 5 13
2. HZ Łaz/Běły Chołmc 6 14 : 6 13
3. ST Marijina hwězda 5 12 : 4 12
4. ST Ćisk II 5 11 : 4 12
5. Traktor Malešecy 5 11 : 5 12
6. Wojerowski FC II 5 11 : 6 11
7. ST 1896 Wulka Dubrawa 5 13 : 8 8
8. SJ Njebjelčicy 6 6 : 8 8
9. HZ Wulke Ždźary 5 6 : 4 7
10. SV Haselbachtal 5 7 : 10 6
11. FSV Łuty 5 6 : 7 5
12. SJ Chrósćicy II 5 6 : 8 4
13. HZ Rakecy II/Šćeńca 6 5 : 16 3
14. ST Nadrózna Hrabowka 5 3 : 16 0
15. ST Mały Wosyk 6 5 : 24 0
Sport (21.09.18)
Přewjedu dalši WORKWUB
Třeći raz přewjedu jutře, sobotu, we Worklecach WORKWUB (Worklečanske wubědźowanje). Wurisanje swójbow je wosebity podawk wulkim kaž małym sportowcam. Młode wjesne swójby a Viktoria Worklecy su znowa wotměnjawy program zestajeli. Wot 14 hodź. smědźa so mali sportowcy w mjetanju bulika, dalokoskoku a sprinće wupruwować. Paralelnje k tomu budźe w sportowej hali wolejbulowy turněr „Viki“ z wólnočasnymi mustwami. Wot 15.30 hodź. poskića w stanje na sportnišću kofej a tykanc a program za dźěći. Wot 16.30 hodź. wubědźuja so na parcoursu přez zadźěwki. Mjez druhim hódnoća tež najlěpši kostim.
Domjaca premjera noweho cyłka
Swój prěni domjacy hrajny dźeń změje nowowutworjene wolejbulowe mustwo žonow Hrajneho zjednoćenstwa Pančicy-Worklecy jutře w Pančičanskej sportowni. Tam nastupja wot 14 hodź. přećiwo JTVG Koblicam a Kupoji-Nowej Łuce.
Dalše wolejbulowe hry muži:
29.09. 14:00 Viktoria Worklecy –
TSV Niederoderwitz
Viktoria Worklecy –
OSSV Kamjenc
20.10. 14:00 TSV Kundraćicy –
Viktoria Worklecy
Kónctydźenska kopańca
Poradźeny zazběh do sezony
ST 1896 Wulka Dubrawa – Viktoria Worklecy 0:3 (17:25, 16:25, 23:25)
Wuslědki (19.09.18)
Kopańca, wokrjesna liga-stafla II
Łuty – Wojerecy II1:1 (1:1)
Wulke Ždźary – Lubuš 0:2 (0:1)
Wulka Dubrawa – Mały Wosyk 6:1 (2:0)
Malešecy – Njebjelčicy 2:0 (0:0)
Marijina hwězda – Běły Chołmc 2:1 (1:1)
Ćisk II – Rakecy II/Šćeńca 3:0 (2:0)
Nadr. Hrabowka – Haselbachtal1:4 (1:0)
1. ST Lubuš 5 14 : 4 12
2. ST Marijina hwězda 4 10 : 1 12
3. ST Ćisk II 5 11 : 4 12
4. Traktor Malešecy 4 9 : 2 12
5. HZ Łaz/Běły Chołmc 5 11 : 6 10
6. Wojerowski FC II 4 8 : 4 8
7. SJ Njebjelčicy 5 5 : 7 7
8. 1896 Wulka Dubrawa 4 10 : 7 5
9. FSV Łuty 4 5 : 6 4
10. HZ Wulke Ždźary 4 3 : 4 4
11. SJ Chrósćicy II 4 5 : 7 3
12. SV Haselbachtal 4 4 : 8 3
13. HZ Rakecy II/Šćeńca 5 4 : 13 3
14. ST Nadrózna Hrabowka 4 3 : 13 0
15. ST Mały Wosyk 5 5 : 21 0
wokrjesna klasa-stafla I, čoło tabulki
1. Módro-běli Minakał 5 18 : 3 13
2. ST Mały Wjelkow 5 18 : 11 10
3. ST Budyšin II 4 16 : 5 9
4. Budissa 08 Budyšink 4 5 : 7 6
5. Zeleno-běli Bukecy II 4 9 : 15 6
6. ST Wjelećin II 4 14 : 14 5
7. HZ Wulka Dubrawa II/Radwor II 5 12:13 4
8. ST Horni kraj-Sprjewja III 4 6:8 4
9. ST Bart II 3 4:7 3
10. HZ Wjernarjecy II/Wjazońca II 4 2:21 0
wokrjesna klasa stafla II
ST Hodźij II - ST Porchow II 5:0 (1:0)
TSV Wjazońca - SG Frankenthal II 4:0 (2:0)
HZ Germania Biskopicy/Biskopičanske KT III - SG Steinigtwolmsdorf 1:2 (1:0)
HZ Mały Wosyk II/Pančicy II - ST Drjewnica 1:3 (1:1)
1. SG Steinigtwolmsdorf 4 16:3 12
2. ST Drjewnica 5 20:10 10
3. SV Großharthau 4 17:6 8
4. TSV Wjazońca 3 8:2 7
5. HZ Mały Wosyk II/Pančicy II 5 13:11 7
6. HZ Germania Biskopicy/Biskopičanske KT III 4 7:7 4
7. ST Hodźij II 4 7:14 3
Blidotenisowa sezonazahajena
Prěnje blidotenisowe mustwo DJK Konjecy je do hrajneje doby 2018/2019 w prěnjej wokrjesnej lize z poražku startowało. Pola TTC Wojerec II su sportowcy z Delan ze 4:11 podleželi. Pola dwójkow móžeštaj jeničce Maćij Kokla/Alojs Čóška dypkować, tak zo domjacy po prěnim kole z 2:1 nawjedowachu. W hrach jednotliwcow so ličba dypkow na stronje hosći wulce njepolěpši. Pětr Bejma zapisa sej dwaj ličakaj, André Čórlich jedyn. Maćij Kokla, Alojs Čóška, Michał Elstner a Frank Šołta mějachu swoju lubu nuzu ze swojim přećiwnikom, tak zo wostachu wšitcy bjez dypka.
W druhej wokrjesnej lize dyrbješe nowačk ST 1922 Radwor pola sylneho mustwa ST Hornja Hórka nastupić a přěhra tam 5:10. Z optimalnymi 2,5 dypkami bě Matijas Žur najlěpši Radworčan. Tež Gerat Kral z połdra a Markus Jurk z jednym dypkom běštaj ze sobu spokojom.
