Wuslědki (31.05.17)
Wokrjesna koparska liga, stafla II
Rakecy II – Njeswačidło 3:2 (2:1)
Nadrózna Hrabowka – Ćisk II 6:0 (3:0)
Radwor – Wojerecy II 7:2 (3:2)
1. HZ Łaz/Běły Chołmc 24 60 : 31 50
2. ST Radwor 24 76 : 28 48
3. HZ Wulke Ždźary 24 55 : 30 47
4. ST Lubuš 24 49 : 34 40
5. Nowe Město II 24 42 : 38 39
6. ST Ćisk II 24 39 : 41 39
7. FSV Łuty 24 47 : 30 36
8. Nadrózna Hrabowka 24 51 : 55 30
9. LSV Hory II 24 36 : 45 28
10. Rakečanske ST II 24 35 : 48 28
11. Wojerowski FC II 24 43 : 63 28
12. Módro-běli Njesw. 24 43 : 64 21
13. LSV Bluń 24 34 : 65 20
14. Sokoł Ralbicy/Hórki II 24 26 : 64 10
wokrjesna liga, stafla III
Drjewnica – Njebjelčicy 0:3 (0:1)
Němske Pazlicy – Sepicy 3:1 (1:0)
Wóslink/Skaskow – Mar. hwězda 1:1 (0:1)
1. SG Großnaundorf 24 81 : 21 60
2. TSV Wachau 24 85 : 31 54
3. Natw. Němske Pazlicy 24 53 : 35 48
4. SV Haselbachtal 24 56 : 34 45
5. SJ Njebjelčicy 24 43 : 35 41
6. SC Großröhrsdorf II 24 51 : 45 36
7. SV Frankenthal 24 51 : 45 35
8. Zeleno-běli Sepicy 24 51 : 55 30
9. Arnsdorfske KT 24 32 : 36 30
10. ST Marijina hwězda 24 34 : 35 29
11. SV Hermsdorf 24 33 : 55 28
12. ST Drjewnica 24 23 : 72 15
13. SZ Wóslink/Skaskow 24 22 : 61 14
14. Liegau-Augustusbad 24 25 : 80 9
wokrjesna wyša liga
Bukecy – Kulow4:2 (2:0)
Ralbicy/Hórki – Kumwałd 3:0 (0:0)
1. ST Ćisk 28 97 : 23 68
2. Sokoł Ralbicy/Hórki 28 73 : 35 55
3. Rakečanske ST 28 70 : 49 52
4. ST Hnašecy-Dobruša 28 63 : 51 51
26. běh na a po Sokolniku
Paralelnje z němskimi mišterstwami lochkoatletiki seniorow na 10 000 metrow na Budyskej Młynkec łuce wotmě so mjeztym hižo 26. jara naročny běh na Sokolnik a po nim. Tele napinace wubědźowanje z Wjazońcy hač na 589 metrow wysoki wjeršk hory a zaso wróćo do stadiona, hdźež běše tež start, je po tradiciji triatlonowe towarstwo Sokolnika organizowało. Jednotliwe distancy wurisanjow běchu 1 km, 2,5 km, 5 km a 12 km, na kotrychž je cyłkownje 196 atletow cil docpěło. Tři štwórćiny lubowarjow běhanja startowachu na najdlěšimaj čaromaj. Tele wurisanje běše hižo lětuše šeste za rjadnu lisćinu Wopačanski cup. Aktiwni běchu z cyłeje Hornjeje kaž ze srjedźneje Łužicy, z Drježdźan, Pirny a někotrych dalšich městow Sakskeje. Mjez nimi je horstka serbskich z brawuru wobstała. Na 1 km a 2,5 km wubědźowachu so młódši a starši šulerjo. Wurjadnje wojował je na 1 km šuler Budyskeje Serbskeje zakładneje šule Jarek Schade, kiž bě dobyćer w klasy U10 w 3:55 min. Cyłkownaj dobyćerjej na 5 km (64 w cilu) běštaj Annett Schröder z Běłeje Wody (27:07 min) a Niels Göhler (22:55 min) z Mišna. Tu wobsadźištaj Leo Čórlich z Budyšina 3.
Wospjet sej slěbro wubědźili
Druha najstarša šulerska starobna skupina beachvolleyballa je w Budyskej Sprjewinej kupjeli wuchodosakske finale přewjedła. Šulerjo 8. a 9. lětnika Serbskeho gymnazija Budyšin (SGB) wubědźichu sej we wurisanju „Młodźina trenuje za olympiju“ znowa slěbro.
Při rjanym słónčnym wjedrje wotmě so minjeny tydźeń kónčne regionalne koło starobneje skupiny III w beachvolleyballu. Do Budyskeje Sprjewineje kupjele dojědźechu sej zastupjerjo třoch gymnazijow a Wyšeje šule Niska, zo bychu kwalifikanta za krajne finale zwěsćili. Znowa přesadźichu so holcy a hólcy Christiana Weisoweho gymnazija Žitawa, dokelž běchu atletisce a technisce najlěpši.
Rewanša so wjac hač poradźiła
ST 1922 Radwor – Wojerowski FC II 7:2 (3:2)
Zestawa domjacych: Ch. Šěrak – Henka, Zähr, Omran, von Karwin, Nuk, Zimmermann, Hančik (80. Wjeńka), Bejmak, Schulze, Buša (73. Kurjat)
Znowa w pokalnym finalu
Sokoł Ralbicy/Hórki – Wojerowski FC 2:0 (0:0)
Zestawa domjacych: Ch. Gloxyn – K. Matka (46. M. Matka), Zynda, Korjeńk, Bjeńš, Šewc (86. Rawš), D. Gloxyn, Wowčerk (68. B. Bejma), Šołta, S. Bjeńš, Domaška
Kaž hižo w lětomaj 2012 a 2016 steji prěnje koparske mustwo Sokoła Ralbicy/Hórki zaso w finalu wokrjesneho pokala. Minjenu srjedu přichwata k njemu w połfinalu sylny přećiwnik z Wojerec. Wot spočatka přewza tón na hrajnišću komando a nadźěła sej tež prěnje šansy. Flanka z lěweho křidła docpě Erica Latzku, kiž bul na wrota zhłójčkowa. Chrystof Gloxyn pak steješe na prawym městnje a k róžkej wotwobara (5.). Jeno dźesać mjeńšin po tym by so samsnemu hrajerjej nimale nawjedowanje poradźiło. Jeho třělwa z pjeć metrow pak bu wot Fabiana Korjeńka w poslednim wokomiku blokowana. Skónčnje so Sokoljo zhrabachu, hač do połčasa pak njemějachu žanu naspomnjenjahódnu akciju před wrotami. Pětr Domaška hraješe po dlěšim zranjenju zaso sobu, steješe pak přehusto w nimohrě.
Taktisce wulkotny wukon pokazali
Sokoł Ralbicy/Hórki – Motor Kumwałd 3:0 (0:0)
Zestawa domjacych: Ch. Gloxyn – K. Matka, Zynda, Korjeńk, Lulak (46. Šěn), D. Gloxyn, Šewc, M. Matka, Wowčerk (85. Gerlich), S. Bjeńš (90. J. Bjeńš), Kurjat
Hnydom wjacori koparjo Sokoła Ralbicy/Hórki dyrbjachu wčera zranjenja dla wotprajić. Tež trenar Tomaš Henčl njebě dowola dla pódla. Chrystof Gloxyn agěrowaše tuž jako wrotar a nazwučowar. Horcoty a falowacych hrajerjow dla rěkaše dewiza domjacych, kompaktnje w defensiwje stać a na kontery łakać. Kumwałdźenjo přewzachu tak iniciatiwu, njemějachu pak do přestawki ani jeničku šansu, dokelž bě před šěsnatku stajnje kónc. Hosćićeljo startowachu pjeć do šěsć strašnych konterow, tež te pak tak njewuhrachu, zo bychu z nich stoprocentne móžnosće wuskočili.
Widźał,słyšał, napisał (29.05.17)
Wčera wotmě so we Wittenbergu wulka swjedźenska Boža słužba. Wjac hač sto tysac ludźi spominaše tam na spočatk reformacije před 500 lětami. Snano bě mjez nimi tež tón abo tamny Serb, štož wostanje spekulacija. Zo pak poby wot srjedy hač do pjatka tón abo tamny Wittenbergčan w serbskej Łužicy, njeje spekulacija, ale sćěh wjelelětneho přećelstwa. 13 młodostnych z lutheroweho města tu přebywaše, a to, zo bychu kopańcu hrali – přećiwo serbskej wubrance II. Za čas studija w Lipsku nasta mjez někotrymi młodostnymi z Wittenberga a črjódku nas serbskich studentow mjenujcy krute přećelstwo, kotrež je najebać zdalenosć něhdźe 150 kilometrow dale žiwe. Dotal wopytowachmy so mjez druhim stajnje na narodninach abo běchmy zhromadnje na festiwalach. Chwile za wulke swjedźenje a festiwale pak je staroby dla lěto a mjenje, a z teje přičiny dyrbimy za prawidłowne zetkanja hinaše zarjadowanja namakać. Sportowe podawki, wosebje kopańca, su za to prima składnosć.
Serbja wuspěšnina Krakečanskich wyšinach
Srjeda do Božeho spěća je w běharskich protykach hižo lěta dołho kruty termin. Přetož potom jědźe zaso wšitko – nic přisłownje, ale posłownje – Krakecam. Tudyše towarstwo MSV Módro-běli powita mjeztym 30. raz sportowcow zbliska a zdaloka na swój tradicionalny běh a mjez nimi tež zaso horstku Serbow. Wjace hač 430 młodych a staršich wobdźělnikow wubědźowaše so při najpřijomnišim wjedrje na čarach mjez 350 m a 10,2 km, a dźěći su kaž přeco wubědźowanje zahajili. Na 700meterskim kole po wsy pokaza Jarek Schade z Budyskeje Serbskeje zakładneje šule sylny wukon a njedoby jenož w swojej starobnej klasy sk 8, ale bu samo cyłkownje druhi w zhromadnym běhu ze staršimi dźěćimi sk 10. Tež jeho sotra Jitka (sk 10) a Annelie Kummerec (sk 8) z pěstowarnje „Jan Radyserb-Wjela“ móžeštej ze sedmym městnom w swojimaj starobnymaj klasomaj spokojom być. Starši šulerjo startowachu na čarje 2,1 km. Najwuspěšniši mjez hólcami sk 14 bě Dawid Žur za tri-team-serbja a wubědźi sej bronzowy podest w 8:17 min. Tež Elias Kummer (OSLV Budyšin) ze Serbskeho gymnazija bě jako šesty w sk 12 prědku pódla.
Z prózdnymi rukami so wróćili
LSV Hory II
– Sokoł Ralbicy/Hórki II 1:0 (0:0)
Zestawa hosći: Cyž – M. Matka, Schultz, T. Matka (29. Materna), Bogusz, Šołta, Šěn, Diener, Kobalc, Gerlich, J. Matka
Zestup do wokrjesneje klasy je jasny a tak móža sej Sokoljo bjez wulkich starosćow zahrać. Horjenjo pak móžachu sej z dobyćom hišće městno nad smužku zdobyć, a tak tež wjace do hry inwestowachu. Šansy pak za nich wulce žane njewuskočichu. Nawopak, najlěpšu móžnosć za hosći měješe rutinjej Tomaš Matka, jako zbliska kulowatu kožu we wrotach zaměstnić njezamó. Nažel běše hra za njeho po poł hodźinje nimo. Za zranjeneho nawróći so po dołhim času wustrowjeny Robert Materna. Do połčasa so ničo naspomnjenjahódneho wjace njesta a tak dźěše bjez wrotow do kabiny.
