Faworit pokalnu hru jasnje dobył

wutora, 10. septembera 2019
artikl hódnoćić
(0 )
Wolejbulisća prěnjeho mustwa muži Viktorije Worklecy běchu „horjenošerjo“ na kwa su swojeho přistajerja Marcela Rjelki w Šunowje. Minjenu sobotu pak wubě dźowachu so zaso na halowym parkeće.  Foto: Mato Eckert Wolejbulisća prěnjeho mustwa muži Viktorije Worklecy běchu „horjenošerjo“ na kwa su swojeho přistajerja Marcela Rjelki w Šunowje. Minjenu sobotu pak wubě dźowachu so zaso na halowym parkeće. Foto: Mato Eckert

Viktoria Worklecy

– VV Žitawa 09 II 2:0 (25:15, 25:11)

Sobotu tydźenja běchu wolejbulisća prěnjeho mustwa muži Viktorije Worklecy na kwasu swojeho přistajerja Marcela Rjelki (hlej foto) pomhali, swjećili a mě­jachu wjele wjesela. Sydom dnjow pozdźišo pak steješe prěnja winowatostna hra sezony na planje, a to we wobwodnym pokalu.

Pokalne hry su wšitkim mustwam witana móžnosć, pod wubě­dźowanskimi wuměnjenjemi testować a swoje aktualne kmanosće posudźować. Za Viktoriju běše to wosebje wažne, dokelž maja w swojich rjadach někotrych nowačkow. Bohužel bě MSV Budyšin II pobracho­wacych hrajerjow dla krótkodobnje wotpra­jił, tak zo dyrbješe dwubój mjez Workle­cami a Žitawu wo kwalifikaciju za kónčne pokalne koło w decembrje roz­sudźić. Budyšenjo pak starachu so znajmjeńša wo dweju sudnikow. A tak móžachu hru dypkownje zahwizdać.

wozjewjene w: Sport
Prošu přizjewće so, chceće-li komentar podać

Serbska debata

nowostki LND