Serbscy gymnaziasća abi-cup třeći króć dobyli
Sedmy raz wotmě so w sportowni Budyskeho powołanskošulskeho centruma abi-cup přichodnych maturantow Sprjewineho města we wolejbulu. Prěnje mustwo Serbskeho gymnazija Budyšin (SGB) je turněr, na kotrymž wobdźěli so wosom cyłkow, bjez poražki dobyło. Druhe mustwo serbskeho kubłanišća wobsadźi 8. městno.
Minjenu srjedu witaše zastupowaca šulska nawodnica Budyskeho powołanskošulskeho centruma Manja Seidel šulerjow 11. do 13. lětnika w tamnišej sportowni na tak mjenowany abi-cup.
Wosom wolejbulowych cyłkow, wobstejacych z dweju holcow a štyrjoch hólcow, wojowaše sedmy raz wo pućowanski pokal. Sportowče a sportowcy Serbskeho gymnazija běchu wosebje motiwowani, wšako chcychu wuspěch minjeneju lět bywšich sobušulerjow wospjetować, a sej pokal za přeco zdobyć. W lěće 2023 wjeselachu so maturanća SGB z kapitanom Eliasom Kummerom nad wuspěchom a loni radowachu so nad nim dwanatkarjo wokoło Benedikta Šołty.
Najebać pomocy tójšto hrajerjow prěnjeho koparskeho mustwa ...
Energija z wulkej prócu wuspěšna
FC Energija Choćebuz –
Viktoria Köln 3:2 (0:1)
Zestawa FC Energije Choćebuz: Funk – Straudi, Campulka (84. Lucoqui), Manu (46. Awortwie-Grant), Guwara (69. Thiele), Ciğerci, Pelivan, Borgmann, Hannemann (69. Butler), E. Engelhardt, Boziaris (46. Biankadi)
wrota: 0:1 Lobinger (24./jědnatka), 1:1 Ciğerci (59./jědnatka), 1:2 Kloss (61.), 2:2 Engelhardt (71.), 3:2 Lucoqui (84.)
Liški dwójce podleželi
Łužiske lodohokejowe liški –
EHC Freiburg 1:2 (1:0, 0:0, 0:1, 0:1) p.p.
Łužiske liški su pjatk wječor hru z ruki dali, kotruž dołhi čas jasnje postajowachu. Najebać zdźěla hrajerskeje přewahi podležachu Běłowodźenjo EHC Freiburgej po podlěšenju 1:2.
Wrota na woběmaj bokomaj běchu přičina za to, zo w duelu mjez wjelkami a liškami hižo druhi raz w tutej sezonje 60 mjeńšinow za zwěsćenje dobyćerja njedosahaše. Jedne padnychu dobrej mjeńšinje po wotewrjenskim bullyju přez Christophera Theodorea za liški, tamne dobrej mjeńšinje do kónca regularneho hrajneho časa. Eero Elo hru z wrotami za Freiburg z 1:1 skónči.
W 56 mjeńšinach, kotrež ležachu mjez mjenowanymi wrotami, pokazaštaj wobaj cyłkaj rjanu hru. W slědowacym podlěšenju wužichu wjelki chłostanje přećiwo hosćićelam za prěnje wrota. Z hrajerjom wjac na lodźe bě jich šesty pospyt wuspěšny, tak zo jako dobyćerjo domjězbu nastupichu. Porno poražce w třělenju penaltyjow na domjacym lodźe srjedź oktobra móžeše EHC nětko přidatny dypk sobu domoj wzać.
Starbulls Rosenheim –
Łužiske lodohokejowe liški 4:2
(0:0, 4:1, 0:1)
Wuslědki (02.12.25)
3. liga
Wiesbaden – Rudne horiny Aue 3:1 (0:1)
Saarbrücken – Essen2:3 (0:0)
Ingolstadt – TSG Hoffenheim II 3:2 (1:1)
SSV Ulm – TSV Mnichow 0:1 (0:1)
Energija Choćebuz – Köln 3:2 (0:1)
Duisburg – Alemannia Aachen 3:1 (3:0)
Schweinfurt – Mannheim 2:3 (0:1)
Regensburg – Hansa Rostock 0:3 (0:1)
SC Verl – VfL Osnabrück 4:1 (2:0)
VfB Stuttgart II – TSV Havelse 2:1 (1:0)
Prěnja poražka Worklečanow w sezonje
TSV Seifersdorf –
Viktoria Worklecy 3:0
(25:19, 25:22, 27:25)
Za Worklec hrajachu: Józef Krawc, Jakub, Beno a Jurij Bobka, Benedikt Šołta, Julian Manczack, Elias Kummer, Daniel Wałda, Samuel Paška, Jan Zarjeńk, Šćěpan Wjeńka
Hač do Dippoldiswaldy dyrbjachu młodźi dźiwi na přichodnu hru přećiwo cyłkej ze Seifersdorfa jěć. Hinak hač w zašłych hrach pak hižo při sćoplenju a zahraću prawy elan pola hrajerjow pytnyć njebě. Wotpowědnje tomu započinaše so tež prěnja sadźba. Wobě mustwje po dypkach dołho runohódnje hraještej, a žadyn wokomik njenasta zaćišć, zo móhli Worklečenjo tutu sadźbu za sebje rozsudźić. Wosebje w nadběhu njeběchu konsekwentni dosć.
Denny Gloxyn, Aleksander Wałda, Bosćij Bejma, Richard Šnajder a ...
Widźał,słyšał, napisał (01.12.25)
Awtor dźensa
Michał Nuk
Kaž nimale kóžde lěto je nas schadźowanka zaso ze zažnej zymičku witała. Prěni sněh drje so wo něšto dnjow zapozdźi, zmjerzk pak hižo porjadnje šćipaše. Po lětušich wurjadnje dobrych žnjach wšak wěšća wšelacy meteorologojo a znajerjo burskich kaznjow, zo nas pječa skónčnje zaso raz porjadna zyma wočakuje. Zymscy olympionikojo bychu so wjeselili, wšako je sezona w najwjace zymskich sportowych disciplinach hižo zahajena. Štóž chce, móže nětko tydźeń wob tydźeń w telewiziji zaso najlěpšich sněhakowarjach na lojpach a pistach, skakarjow, biatletow, smykarjow, sankowarjow a dalšich wobkedźbować, kiž spytaja swoju formu a wuslědki za Milano a Cortina w februaru polěpšić.
Wuslědki (01.12.25)
Kopańca; wyša liga mužojo
1. SC Heiligenstadt – VfL Halle 3:2 (1:1)
1. FC Lok Stendal –
SG Union Sandersdorf wupad
Biskopičanske KT – VfB Kśišow 1:1 (1:1)
FC Grimma – VFC Plauen wupad
RSV Přezjednota 1949 –
FC Jednota Rudolstadt 5:0 (4:0)
VfB Auerbach 06 – SC Freital wupad
Germania Halberstadt –
Budissa Budyšin2:0 (0:0)
VfB Pozběh Glauchau –
FC Jednota Wernigerode 2:0 (0:0)
1. SC Freital 13 30 : 7 34
2. RSV Přezjednota 1949 13 31 : 14 29
3. Germania Halberstadt 14 22 : 15 27
4. VfB 1921 Kśišow 14 22 : 19 19
5. FC Jednota Rudolstadt 13 21 : 27 19
6. VfL Halle 96 13 31 : 20 18
7. VFC Plauen 12 18 : 14 18
8. Budissa Budyšin 13 23 : 17 17
9. VfB Auerbach 06 12 17 : 16 17
10. SG Union Sandersdorf 13 21 : 21 16
11. Jednota Wernigerode 13 18 : 25 16
12. VfB Pozběh Glauchau 14 21 : 29 16
13. Biskopičanske KT 08 14 18 : 29 15
14. FC Grimma 13 20 : 32 11
15. 1. FC Lok Stendal 12 18 : 29 10
16. 1. SC Heiligenstadt 14 13 : 30 8
Sport (28.11.25)
Prěni wolejbulowy turněr
Prěni wolejbulowy turněr lěta 2026 přewjedźe sportowe towarstwo Marijina hwězda sobotu, 3. januara, wot 13 hodź. w sportowni w Pančicach. Wolejbulowe cyłki smědźa so hač do 22. decembra pola Serbskopazličana Benedikta Smoły přizjewić.
Skupinje wulosowanej
Za halowy koparski turněr Zapadołužiskeho koparskeho zwjazka WFV buštej njedawno skupinje wulosowanej. W stafli A hraja sobotu, 17. januara, w Kamjencu młodźina A Budissy Budyšin, Póst Germanija Budyšin, Natwar Němske Pazlicy II a FSV Bretnig-Hauswalde. W stafli B nastupja wubranka sudnikow WFV, Sokoł Ralbicy/Hórki, Jednota Kamjenc a KT Ottendorf-Okrilla 05.
Koparski derby w Rakecach
Prěnje koparske mustwo SJ Chrósćicy hraje jutře we wokrjesnej wyšej lize w Rakecach. Druhe koparske mustwo SJ Chrósćicy nastupi njedźelu w Hórkach a Radworčenjo kopaja njedźelu w Budyšinje na kumštnym trawniku.
29.11. 13:30 Biskopičanske KT 08 –
VfB 1921 Kśišow
29.11. 13:30 ST Horni kraj-Sprjewja –
Módro-běli Kulow
29.11. 13:30 Rakečanske ST –
SJ Chrósćicy
29.11. 14:00 FC Energija Choćebuz –
Viktoria Köln
30.11. 11:00 SJ Chrósćicy II –
ST Lubuš
30.11. 13:30 Ralbicy/Hórki – Hory
30.11. 14:00 ST Radwor –
