Z lóštnej hudźbu a dźiwadłom

póndźela, 20. julija 2015
artikl hódnoćić
(0 )
To bě wulke wjeselo, jako su Jasčenjo sobotu wječor na wjesnym swjedźenju tajku prawu lubosćinsku šmjatańcu knježka a jeho hnadneje knjenje zahrali. Spektakl jednaše w času před 650 lětami, hdyž bu wjes prěni króć naspomnjena.  Foto: Feliks Haza To bě wulke wjeselo, jako su Jasčenjo sobotu wječor na wjesnym swjedźenju tajku prawu lubosćinsku šmjatańcu knježka a jeho hnadneje knjenje zahrali. Spektakl jednaše w času před 650 lětami, hdyž bu wjes prěni króć naspomnjena. Foto: Feliks Haza

Jasčenjo swój 650. jubilej na sportnišću swjećili

Jaseńca (SN/mwe). Kónc tydźenja swje­ćeše Jaseńca 650lětne wobstaće. K tomu je něhdźe 50 čłonow wopřijace towarstwo Bjesada z mnohimi pomocnikami wot pjatka do njedźele na sportnišću wjesny swjedźeń wuhotowało. Hižo pjatk wječor knježeše tam krasna nalada, jako hraješe při horcym wjedrje w chłódku pod štomami kapała Fünf an der Feier. Nimo hercow Carstena Šnajdra z Worklec (akordeon), Heika Mittaga z Róžanta (cajon), Petera Michlera (klarineta, tenorsaksofon) ze Strawaldy a Gernota Schweitzera z Worklec (gitara) bě to tež z Jaseńcy pochadźacy Jan Hórnik (kontrabas), kiž ze swójbu w Měrkowje bydli. Bjez zwukoweje techniki su mužojo publikum z lóštnymi swingowymi melo­dijemi, z kubaskimi, portugalskimi a grjekskimi­ rytmami kaž tež ze serb­skimi štučkami k sobuplacanju wabili a zahorili.

wozjewjene w: Lokalka

Galerija

dalši wobraz (1) Sobotu popołdnju běchu Jasčanske dźěći program předstajili, kotryž z nimi maćerje nazwučowachu. Po tym mějachu wone wjeselo při Rodejowym jěchanju.
Prošu přizjewće so, chceće-li komentar podać

nawěšk

nowostki LND