Riziko, meju stejo wostajić, přewulke było

póndźela, 09. meje 2016
artikl hódnoćić
(0 )
Sobotu popołdnju bě dróha přez Róžant nachwilnje zaraćena. Wohnjowej woborje z Kamjenca a Róžanta dyrbještej narězanu meju pušćić.  Foto: Hilža Mittagowa Sobotu popołdnju bě dróha přez Róžant nachwilnje zaraćena. Wohnjowej woborje z Kamjenca a Róžanta dyrbještej narězanu meju pušćić. Foto: Hilža Mittagowa

Róžant (SN/JaW). Njeplanowane a chětro drohe „mejemjetanje“ mějachu sobotu w Róžeńće. Tam dyrbješe dobrowólna wohnjowa wobora meju wěstotnych přičin dla podrězać. „Zdónk bě we wysokosći pjeć metrow wo wjac hač połojcu přerězany. Dyrbjachmy jón tuž pušćić“, rozłoži nawoda wobory Frank Pjech. Štom wuryć a powalić pak bě přestrašne. „Při sobotnym sylnym wětřiku by so wón złamał a tójšto škody naparał“, rěkaše ze stron­ wobornikow. „Riziko bě pře­wulke, tohodla wołachmy wobornikow z Kamjenca, a woni z pomocu wjer­ćiteho rěbla štom kusk po kusku wot­rězachu“, Frank Pjech wuswětli.

Prawdźepodobnje bě w nocy na wutoru něchtó meju narězał. Skućićel pak swój plan (na zbožo) njezwoprawdźi. Štom móhł mjenujcy wjacore w bliskosći stejace twarjenja wobškodźić a by-li na dróhu padnył, by wobchad wohrozył.

wozjewjene w: Lokalka
Prošu přizjewće so, chceće-li komentar podać

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND