Twarnišćo na puću procesionow

pjatk, 13. meje 2016
artikl hódnoćić
(0 )
Na dróze ze Sernjan do směra na Weclichec napojowe wiki so nětko wobšěrnje twari. Hač do awgusta Hórčanska Wehnertec hłubokotwarska firma štyri přechody pod dróhu ponowja. Te su po lětach wobchada dla chětro poćerpjeli a maja so stabilizować. Dróhu pak při tym njerozšěrja. Přechody pod dróhu su wažne za wotwodźenje wody z dróhi a z namjeznych łukow. Wokołopuć za jězdźidła ze směra Kamjenca do Rakec­ wjedźe přez Nowu Wjesku. Problematiske móhło twarnišćo za někotre procesiony serbskich wosadow być, kotrež tule swjatki póndźelu do Róžanta putnikuja, na přikład Radworski a Budyski. Zamołwići procesionow chcedźa sej kónc tydźenja na městnje wobhladać, hač móža přiwšěm nimo twarnišća nóžkować. Foto: Jan Kral

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND