Přihot ležownosćow so dliji

pjatk, 13. meje 2016
artikl hódnoćić
(0 )

Napjatosće trěbneje běrokratije dla přiběrali

Róžant (JK/SN). Gmejna Ralbicy-Róžant přihotuje nowu bydlensku štwórć blisko Sernjan. Tam chce předewšěm młodym swójbam składnosć skićić sej swójski dom natwarić. Tójšto zajimcow je so hižo za twarske ležownosće přizjewiło. Twarić pak dotal hišće nichtó započał njeje. Runje­ tole pak je přičina napjatosćow. Někotrym­ zajimcam přihoty spěšnje dosć njepostupuja. Wobydlerjo delanskeje gmejny rěča samo wo tym, zo chcyli někotři zajimcy zaso wotskočić. Tola wšitko swój čas traje. Wjacore zarjadniske zadźěwki maja so přewinyć. Na přikład dyrbješe gmejna twarske wustawki změnić kaž tež twarske plany do wob­twarjenskeho plana zarjadniskeho zwjazka Při Klóšterskej wodźe zarjadować a schwalić, štož je zakład, zo so twarske dźěła w nowej štwórći započnu.

wozjewjene w: Lokalka
Prošu přizjewće so, chceće-li komentar podać

nawěšk

  • Spěchowanski kruh za serbsku ludowu kulturu je 16. a 17. měrca mjeztym 28. serbske jutrowne wiki w Budyskim Serbskim domje wuhotował. Wiki běchu jara wuspěšne, tež nastupajo ličbu wopytowarstwa. Tule smy wam někotre fotowe impresije z wikow zestajeli

nowostki LND