Mejski ćah raz trochu hinaši

póndźela, 23. meje 2016
artikl hódnoćić
(0 )
Z motorskim typa AWO na čole, na kotrymž sedźeše mejski kralowski por, ćehnjechu młodostni ze Šunowa do Konjec.  Foto: Bernadet Langec Z motorskim typa AWO na čole, na kotrymž sedźeše mejski kralowski por, ćehnjechu młodostni ze Šunowa do Konjec. Foto: Bernadet Langec

Šunow (bla/SN). Tež lětsa zaso je Domowinska skupina Konjecy/Šunow zhromadnje z Konječanskej wjesnej młodźinu mejemjetanje wuhotowała. Jědnaće młodych porow zetka so wčera w Šunowje, zo bychu w swojich rjadach mej­skeho krala našli. Wšitke nitki w horšći měješe­ Domenico Gruhn, kiž na to dźiwaše, zo by wšitko po zwučenym wašnju wotběžało. Po tym zo je meja padnyła, bě Krystof Hrjehor z Konjec naspěšniši při wjeršku a wuzwoli sej Ewu Čornakec z Konjec za mejsku kralownu. Wšitcy zhromadnje ćehnjechu spěwajo do Konjec. Hinak hač druhdźe pak njesedźeše mejski por na konju, ale měješe takrjec něšto wjace PS pod zadkom, dokelž jědźeše­ z motorskim typa AWO.

Před Konječanskim towarstwowym domom Delany rejwachu dźěći wokoło meje. Rejki z holcami a hólcami nazwučowałoj běštej Erika Maywaldowa a Anke Wowčerkowa. Wšitke holcy běchu w katolskej swjedźenskej drasće. Hudźbny přewod na akordeonje na starosći mě­ješe Matthias Šołta z Pančic-Kukowa, a wšitcy mócnje sobu spěwachu.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND